Friday, July 12, 2024
Homeडेली पल्सवझीरएक्सने टॅक्सनोड्सबरोबरची भागिदारी...

वझीरएक्सने टॅक्सनोड्सबरोबरची भागिदारी वाढवली!

भारतातील अग्रगण्य क्रिप्टो करन्सी एक्स्चेंज प्लॅटफॉर्म असलेल्या वझीरएक्सने, एक वर्षाच्या यशस्वी सहकार्यानंतर क्रिप्टो टॅक्स फायलिंग प्लॅटफॉर्म असलेल्या टॅक्सनोड्ससह भागिदारीचे नूतनीकरण केले आहे. करदायित्व पूर्ण करण्याचे अचूक आणि त्रासमुक्त मार्ग उपलब्ध करण्यात टॅक्सनोड्स निपुण आहेत व या भागिदारीमुळे त्यांच्या वापरकर्त्यांचे करभरणा अनुभव सोपे करण्याच्या वझीरएक्सच्या वचनबद्धतेस बळकटी मिळाली आहे. गेल्या वर्षात त्यांच्या भागिदारीच्या या संपूर्ण कालवधीत अनेक लक्षणीय उद्दिष्टे साध्य झाली आहेत जी या सहकार्याच्या सखोल प्रभावाची द्योतक आहेत.

हे सहकार्य १०००पेक्षा अधिक भारतीय शहरांना समाविष्ट करण्यापर्यंत विस्तारले आहे. त्यामुळे कराशी संबंधित जबाबदार्‍या सांभाळण्यासाठी समान सुविधांची सुनिश्चिती होते. या संयुक्त सेवा उपक्रमाचा सर्वात अधिक वापर करणार्‍याची संख्या असणारी शहरे मुंबई, पाटणा, लखनौ, इंदूर, जयपूर, हैद्राबाद आणि अहमदाबाद आहेत.

वझीरएक्स

ग्राहकांसाठी निर्माण केलेल्या सुलभ इंटरफेसच्या माध्यमातून क्रिप्टो करगणना आणि प्राप्तीकर परतावा फाइल करण्याच्या कामात सरासरी ७-८ तासांची लक्षणीय बचत झाली असे याचा वापर करणारे सांगतात. वापरकर्ते त्यांचे व्यवहारतपशील विनासायास अपलोड आणि त्यांचे शेड्युल्ड व्हीडीएकराचे रिपोर्ट्स ३० मिनिटांपेक्षा कमी वेळात प्राप्त करू शकले. वझीरएक्स व टॅक्सनोड्स यांनी माहितीपर सत्रांची मालिका चालवली आणि संदर्भ मिळवणे सुलभ करण्यासाठी अनुबोधपर ब्लॉग्स प्रकाशित करणे चालू ठेवले. यामुळे सहभागींना क्रिप्टो करनिर्धारणातील बारकावे जाणून घेण्यात मदत झाली.

वझीरएक्सचे उपाध्यक्ष राजगोपाल मेनन यांनी सांगितले की, टॅक्सनोड्सबरोबरील आमची भागिदारी म्हणजे भारतीय वापरकर्त्यासाठी क्रिप्टो निर्विघ्न बनवण्याचा हा आणखी एक प्रयत्न आहे. करपरतावा फाईल करताना वझीरएक्सच्या वापरकर्त्यांना सर्वात उत्तम साधने देणे ही या मागील कल्पना आहे.

टॅक्सनोड्सचे संस्थापक अविनाश शेखर यांनी सांगितले की, लागोपाठ दुसर्‍या वर्षात वझीरएक्सबरोबर आमची यशस्वी भागिदारी विस्तारित करण्यात आम्हाला आनंद होत आहे. भारतीय क्रिप्टो वापरकर्त्यांसाठी गेल्या वर्षातील सहयोग महत्त्वाचा ठरला आणि यामुळे कर फाईल करण्याचा अनुभव खूप सोपा झाला. यावर्षी, वर्तमान करनिर्धारण वर्षासाठी त्यांच्या क्रिप्टो करांच्या संदर्भात वझीरएक्सच्या वापरकर्त्यांना आणखी समावेशक मदत देण्यासाठी मार्गदर्शन करण्याच्या हेतूने, त्या यशास आणखी उन्नत करणे हे आमचे उद्दिष्ट आहे. कार्यक्षम आणि कायद्याला अनुसरून असणारे कर फायलिंग करण्यासाठी आवश्यक साधने आणि नैपुण्य यांच्या आधारे भारतीय क्रिप्टो समुदायास सबल करण्यासाठी टॅक्सनोड्स निरंतर कटीबध्द आहे.

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!