Tag: Tennis

यंदाच्या शेवटच्या अमेरिकन ग्रॅन्ड स्लॅम टेनिस स्पर्धेत महिला गटात बेलारुसच्या २७ वर्षीय अरिना सबालेंकाने आपले जेतेपद राखण्यात यश मिळवले तर पुरुष विभागात स्पेनचा युवा टेनिसपटू २३ वर्षीय कार्लोस अल्कराझने पुन्हा एकदा एका वर्षाच्या अवधीनंतर विजेतेपदाचा चषक उंचावला. या दोघांनी जेतेपदाला गवसणी घालून यंदाच्या मोसमाचा शेवट गोड केला. कार्लोसने २०२२नंतर पुन्हा ही स्पर्धा जिंकून जागतिक क्रमवारीत अव्वल क्रमांकावर झेप घेतली. निर्णायक सामन्यात त्याने आपला नेहमीचा प्रतिस्पर्धी अव्वल मानांकित गतविजेता, इटालीच्या यानिक सिनरचा चार सेटमध्ये पराभव करून आपले दुसरे जेतेपद पटकावले. या दोन युवा खेळाडूंमधील अंतिम लढत‌ फारशी रंगली‌ नाही. या दोघांत याअगोदर यंदा फ्रेंच...