Tag: Race

विश्वातील कार रेसिंगच्या प्रतिष्ठेच्या फॉम्युला-वन शर्यतीत चालकांचे जग्गजेतेपद ब्रिटनच्या अवघ्या २६ वर्षीय मॅकलारेन संघाचे प्रतिनिधित्व करणाऱ्या लँडो नॉरिसने पटकावून‌ "वेगाचा नवा बादशहा" अशी बिदुरावलीदेखील मिळवली आहे. या शर्यतीच्या गेल्या ७५ वर्षांच्या इतिहासात चालकाचे अजिंक्यपद मिळवणारा तो ३५वा चालक ठरला आहे. ब्रिटनसाठी अशी कामगिरी करणारा तो ११वा चालक ठरला. ५ वर्षांनंतर पुन्हा एकदा हे जग्गजेतेपद लँडोने ब्रिटनमध्ये आणले. २०२० साली त्यांचाच नामवंत चालक लुईस हॅमिल्टनने शेवटचे विश्वविजेतेपद जिंकले होते. शेवटच्या अबुधाबी शर्यतीत लँडोने तिसरा क्रमांक मिळवून‌ आपल्या जग्गजेतेपदावर शिक्कामोर्तब केले. गतवर्षी याच विश्वविजेतेपदाच्या शर्यतीत लँडो दुसऱ्या स्थानावर होता. यंदा मात्र...