Tag: Mondo

स्वीडनच्या अवघ्या २५ वर्षीय मोंडो डुप्लांटिसने अॅथलेटिक्सविश्वात पोल व्हॉल्ट‌ क्रीडा प्रकारात नव्या विश्वविक्रमाला गवसणी घालून नुकताच जबरदस्त धमाका उडवून दिला आहे. गेल्या ५ वर्षांत मोंडोने थोडेथोडके नव्हे तर, तब्बल १४ नव्या विश्वविक्रमांची नोंद करुन साऱ्या अॅथलेटिक्स जगाचे लक्ष वेधून घेतले. टोकिओ येथे झालेल्या जागतिक स्पर्धेत डुप्लांटिसने आपल्या १४व्या विश्वविक्रमाला गवसणी घातली. २०२०मध्ये पोलंड येथे केटोरुन शहरात डुप्लांटिसने ६.१७ मीटर झेप घेत आपल्या पहिल्या विश्वविक्रमाचा श्री गणेशा केला. त्यानंतर हाच मीटरचा बार उंचावत आता विश्वविक्रम ६.३० मीटर एवढ्या उंचीवर नेऊन ठेवला आहे. अवघ्या ५ वर्षांतील त्याची १४ विश्वविक्रमाची कामगिरी थक्क...