Tag: Lata Mangeshkar

लतादीदींची आज जयंती! त्यांचा बारा वर्षांचा सहवास, स्नेह मला लाभला. या काळात अगदी त्यांच्या पलंगावर त्यांच्या शेजारी बसून मारलेल्या गप्पा.. गप्पांमध्ये सहज ऐकलेलं त्यांचं गाणं.. त्यांच्याकडून ऐकलेल्या असंख्य आठवणी.. आईच्या मायेने त्यांनी केलेला आग्रह, त्यांचं आगत्य, त्यांचा ‘परफेक्शन’चा अट्टहास.. हे सगळंच आज आठवतं आहे. त्यांचं हसणं.. त्यांचं नकला करणं, त्यांची अतिशय ठाम जीवनमूल्यं, प्रखर स्वाभिमान आणि तितकाच प्रखर राष्ट्राभिमान हे सगळंच तर सततच मनात आठवणींच्या रूपात पिंगा घालत असतं. त्यांचं सुराप्रती असलेलं समर्पण, सुरांवर असलेली श्रद्धा ही तर पूजा करण्यासारखी होती. अनुकरणीय होती. एक किस्सा सांगायचा तर, त्यांना काळा रंग...