Tag: Dindoshi

"दररोज स्वतःला धीर देत जगणे; कठीण होत आहे किती आवरावे आपणच आपणाला; कठीण होत आहे भोकांड पसरणाऱ्या मनास थोपटीत झोपवून घेतो भुसा भरलेले भोत दिसूनही; थांबणे कठीण आहे तडजोडीत जगावे. जगतो: दररोज कठीण होत आहे" कविवर्य नारायण सुर्वे यांच्या 60/70च्या दशकातील एका कवितेच्या ओळी आजही इतक्या वर्षानंतर ताज्या वाटाव्यात असे कला दिग्दर्शक राजू सापते यांच्या आत्महत्त्येचे प्रकरण आहे. दोन किंवा अधिक कामगार संघटनांतील मतभेद, हाणामारी अगदी हत्त्याही मी पाहिलेल्या आहेत. या पाठीमागे संघटनांमधील वर्चस्वाचा भाग सोडला तरी मूळ कारण पैसे वाढवून मिळणे हेच असायचे. या प्रकरणी तर सर्व उलटेच घडले. कामगारांना सर्व पैसे वेळेवर मिळत...