Tag: Dilip Kumar

२०१४ साली एका पंचतारांकित हॉटेलमध्ये झालेला, अभिनयाचे शहेनशहा दिलीप कुमार यांच्या ‘द सबस्टन्स अँड द शॅडो या आत्मचरित्राचा दिमाखदार सोहळा आज आठवतो आहे. ज्यांच्या अभिनयातील सूक्ष्म बारकाव्यांनी अभिनयाची नवी परिभाषा लिहिली होती आणि बॉलीवुडला पहिला अनभिषिक्त सम्राट लाभला होता, त्या दिलीप साहेबांची आणि सायराजींची माझी पहिली भेट तिथे झाली. दिलीप साहेबांची भेट झाली, या म्हणण्याला काही अर्थ नाही.. कारण अल्झायमरमुळे ते काही समजण्या-उमजण्याच्या केव्हाच पलीकडे गेले होते. पण तरीही ते होते! ओठांवर मंद स्मित खेळवत हा रुबाबदार शहेनशहा पूर्ण कार्यक्रमभर तिथे बसला होता. बॉलीवुडचं संपूर्ण तारका दळ तिथे अवतरलेलं...