Tag: Birbal

रमेश सिप्पी दिग्दर्शित "शोले"तील (१९७५) प्रत्येक लहानमोठी व्यक्तीरेखा गाजली. एक सुपरहिट पिक्चर असे बरेच काही देत असतो. आपल्याकडील पब्लिकदेखील पिक्चर असा काही डोक्यावर घेतो की त्यातील छोटी भूमिका साकारणारा कलाकारदेखील त्यांच्या कायमच लक्षात राहतो. "शोले"त अर्धी मूछवाला कैदी बिरबलदेखील असाच कायम लक्षात राहिलाय. आठवला तरी हसू येते ना? याचे खरे नाव सतेंदरकुमार खोसला. त्याचाच 'बिरबल' झाला. त्याने मूळ नावानेच चित्रपटसृष्टीत पाऊल टाकले आणि 'राजा' (१९६४) चित्रपटातील एका गाण्यात अगदी किरकोळ भूमिका साकारली. अशा पद्धतीने अतिशय किरकोळ, छोट्याछोट्या भूमिका साकारत साकारत हळूहळू वाटचाल करणे, स्टुडिओतून चकरा मारणे, निर्मात्यांच्या कार्यालयातून फेऱ्या मारणे, त्यांना आपले काही...