मुंबईतल्या बोरीवली पश्चिम येथील वृत्तपत्र विक्रेते सुनील ने. गांधी यांचे अल्पशा आजाराने नुकतेच निधन झाले. ते ५२ वर्षांचे होते. त्यांच्या पश्चात आई, भाऊ, वहिनी, पुतणे, पुतणी असा परिवार आहे.
मीरा रोड येथे वास्तव्यास असलेले सुनील गांधी पहाटेपहाटे बोरीवली येथे येऊन घरोघरी वर्तमानपत्रे पोहोचवून राजन घाडीगावकर यांच्यासमवेत बोरीवली पश्चिम येथे वृत्तपत्र विक्रीचे काम करीत होते. गेल्या बारा वर्षांपासून ते वर्तमानपत्रे विक्रीच्या व्यवसायात होते. गेल्या बुधवारी अचानक अस्वस्थ वाटू लागल्याने त्यांना खासगी रुग्णालयात दाखल करण्यात आले. परंतु शनिवारी त्यांची प्राणज्योत मालवली. सुनील गांधी यांच्या निधनामुळे वृत्तपत्र व्यवसायात हळहळ व्यक्त करण्यात येत आहे.
