Friday, July 12, 2024
Homeचिट चॅटपुराणिक चषकावर अखेर...

पुराणिक चषकावर अखेर ‘वेंगसरकर’चे नाव!

पूनम राऊत आणि श्वेता कलपाथी यांनी वैयक्तिक अर्धशतकांसह दुसर्‍या विकेटसाठी केलेली ८२ धावांची भागिदारी आणि रेशमा नायकने २२ धावांत टिपलेल्या ३ विकेटस् या कामगिरीच्या जोरावर दिलीप वेंगसरकर फाऊंडेशनने राजावाडी क्रिकेट क्लबचे जेतेपद राखण्याचे स्वप्न १८ धावांनी धुळीस मिळवले आणि प्रकाश पुराणिक स्मृती चषक महिला टी-२० क्रिकेट स्पर्धेवर आपले नाव कोरले. गेल्या वर्षी प्रथमच झालेल्या या स्पर्धेत राजावाडीने स्पोर्टस् फिल्डचा पराभव करत बाजी मारली होती.

माहिम ज्युवेनाईल स्पोर्टस् क्लब आणि शिवाजी पार्क जिमखान्याने प्रकाश पुराणिक यांच्या स्मरणार्थ महिला क्रिकेटला प्रोत्साहन आणि त्यांच्या खेळाला मानाचा मुजरा करण्यासाठी आयोजित केलेली टी-२० क्रिकेट स्पर्धा संस्मरणीय ठरली. महिला खेळाडूंची फटकेबाजी आणि विजयासाठी केलेला थरारक संघर्ष पाहाण्याची मेजवानी मुंबईकरांना लाभली. स्पर्धेच्या साखळी सामन्यांप्रमाणे अंतिम सामनाही जोरदार झाला.

दिलीप वेंगसरकर फाऊंडेशनच्या १५४ धावांचा पाठलाग करताना वृषाली भगतच्या ५६ धावांची झुंजार खेळीने सामन्यात चुरस आणली. रेश्मा नायकने  किमया राणे (०) आणि सलोनी कुष्टे (११) यांनी बाद करून सनसनाटी निर्माण केली. पण वृषालीने एकहाती किल्ला लढवताना तुशी शाहबरोबर ३५, शेरल रोझारियोबरोबर ३९ आणि निविया आंब्रेबरोबर ३० धावांची भागी करत संघाच्या विजयासाठी शेवटपर्यंत संघर्ष केला. पण तो अपुरा ठरला. ४५ चेंडूंत ५६ धावांची संघर्षपूर्ण खेळी करून वृषाली बाद होताच वेंगसरकरचा विजय निश्चित झाला. राजावाडीला २० षटकांत ९ बाद १३५ धावांपर्यंतच मजल मारता आली. रेश्मा नायकने २२ धावांत ३ तर पूनम राऊतने २२ धावांत २ विकेट घेत संघाच्या विजयात मोलाचा वाटा उचलला.

त्याआधी पूनम राऊतने फलंदाजीतही आपली चमक दाखवताना ४४ चेंडूंत ५३ धावा काढल्या होत्या. श्वेता कलपथीसह दुसर्‍या विकेटसाठी ८२ धावांची भागी रचताना संघाच्या मोठ्या धावसंख्येचा पाया रचला. श्वेतानेही ५३ धावा काढल्या. तसेच पूनमने सिमरन शेखबरोबरही ३७ धावांची भागी करत संघाला दीडशेसमीप नेले. सिमरनने १५ चेंडूंत २६ धावा चोपल्या. त्यामुळेच वेंगसरकर फाऊंडेशन १५४ धावांचे लक्ष्य उभारू शकला होता. ५३ धावा आणि ३ विकेट टिपणारी पूनम राऊत संघाच्या विजयाची मानकरी ठरली.

क्षमा पाटेकर ठरली सर्वोत्तम खेळाडू

स्पर्धेतील सर्वोत्तम फलंदाजाचा पुरस्कार भारत क्रिकेट क्लबच्या केतकी धुरेला मिळाला तर वेंगसरकर फाऊंडेशनची निर्मिती राणे सर्वोत्तम गोलंदाज ठरली. स्पर्धेत अष्टपैलू कामगिरी करणार्‍या राजावाडीच्या क्षमा पाटेकरने स्पर्धेतील सर्वोत्तम खेळाडूचा मान मिळविला. महिला संघांचे कौतुक करण्यासाठी हिंदुस्थानी संघाचे माजी कसोटीपटू बलविंदरसिंग संधू, अभिषेक नायर आवर्जुन उपस्थित होते. तसेच माहिम ज्युवेनाईलचे अध्यक्ष विजय येवलेकर, सचिव सुनील पाटील, कोषाध्यक्ष महेश शेट्ये, शिवाजी पार्क जिमखान्याचे सचिव संजीव खानोलकर, सुनील रामचंद्रन यांच्या उपस्थितीत विजेत्यांचे कौतुक करण्यात आले.

संक्षिप्त धावफलक

दिलीप वेंगसरकर फाऊंडेशन: २० षटकात ४ बाद १५३ (पूनम राऊत ५३, श्वेता कलपाथी ५३, सिमरन शेख  २६; क्षमा पाटेकर ३०/२, कोमल परब १७/१)

राजावाडी क्रिकेट क्लब: २० षटकात ९ बाद १३५ (वृषाली भगत ५६, तुशी शाह १९; रेशमा नायक २२/३, पूनम राऊत २२/२)

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!