मुंबईतल्या दादर माटुंगा सांस्कृतिक केंद्रातर्फे शनिवार, १६ डिसेंबरला सायंकाळी पाच वाजता वर्षा सोहोनी यांचा शास्त्रीय संगीताचा कार्यक्रम केंद्राच्या गोखले सभागृहात आयोजित करण्यात येणार आहे. या कार्यक्रमासाठी कै. सुमति गायतोंडे ट्रस्टतर्फे सहकार्य मिळाले आहे.
त्यांची गायकी जयपूर अत्रौली घराण्याची असून त्यांनी सुरूवातीला कै. पं. मधुसूदन पटवर्धन, कै. कमलताई तांबे यांच्याकडे संगीत शिक्षण घेतले. नंतर कै. पं. मधुसूदन कानेटकर यांच्याकडे सलग १५ वर्षे तालीम घेतली. त्यांनी पुणे विद्यापीठातून संगीत विषय घेऊन एमएची पदवीही प्राविण्यासह मिळवली आहे. त्या संगीताचे अध्यापन करतात. अधिकाधिक रसिकांनी या कार्यक्रमात सहभागी व्हावे, असे आवाहन केंद्राच्या वतीने करण्यात आले आहे. अधिक माहितीसाठी संपर्क २४३०४१५०.
