Homeब्लॅक अँड व्हाईटदेशातल्या पहिल्या अपतटीय...

देशातल्या पहिल्या अपतटीय गस्ती जहाजाची बांधणी सुरू

गोव्यातील मे. गोवा शिपयार्ड लिमिटेड येथे पहिल्या नेक्स्ट जनरेशन ऑफशोअर पॅट्रोल व्हेसल्समधील पहिल्या अपतटीय गस्ती जहाजाचा नौकातल भरणी अर्थात जहाजबांधणी समारंभ नुकताच संपन्न झाला. कार्यक्रमाच्या अध्यक्षस्थानी युद्धनौका उत्पादन आणि अधिग्रहण नियंत्रक व्हाईस अ‍ॅडमिरल बी. शिव कुमार, गोवा शिपयार्ड लिमिटेडचे अध्यक्ष आणि व्यवस्थापकीय संचालक बी. के. उपाध्याय आणि भारतीय नौदल व मे. गोवा शिपयार्ड लिमिटेडमधले वरिष्ठ अधिकारी उपस्थित होते.

अशा 11 गस्ती जहाजांच्या संरचना आणि बांधणीसाठी संरक्षण मंत्रालय व  मे. गोवा शिपयार्ड लिमिटेड, गोवा आणि मे. गार्डन रिच शिपबिल्डर्स अँड इंजिनिअर्स,(जीआरएसई), कोलकाता यांच्यात 30 मार्च 23

रोजी करार झाले. त्यानुसार सुरुवातीला सात नौका मे. गोवा शिपयार्ड लिमिटेडने तर चार नौका जीआरएसईने बांधायच्या आहेत.

नेक्स्ट जनरेशन ऑफशोअर पॅट्रोल व्हेसल्सचा वापर तस्करी प्रतिबंध, तटीय सुरक्षा आणि टेहळणी, शोध व बचाव, तटीय मालमत्तेचे संरक्षण या मोहिमांसाठी केला जाईल. ही जहाजे भारतीय नौदलाला हिंद महासागर क्षेत्रात राष्ट्राच्या आर्थिक आणि भू-राजकीय हितसंबंधांचे संरक्षण करण्यासाठी आपली लढाऊक्षमता वृद्धींगत करण्यात साहाय्यभूत ठरतील. भारतीय नौदलाच्या स्वदेशी जहाजबांधणीच्या प्रयत्नात हा आणखी एक महत्त्वाचा टप्पा आहे आणि ‘आत्मनिर्भर भारत’ व  ‘मेक इन इंडिया’ उपक्रमांशी सुसंगत आहे.

Continue reading

खारपाड जमीनीवरचा खजूर लागवडीचा प्रयोग कोकणातही उपयोगी?

गुजरातच्या सौराष्ट्रमधील अमरेली जिल्ह्यातील सावरकुंडला तालुक्यातील एका शेतकऱ्याने खारपाड जमीन, मिठागरात खजूर लागवडीचा यशस्वी प्रयोग केला आहे. हा अनोखा पॅटर्न कोकणातील अन् राज्यातील क्षारयुक्त, खारट शेतजमीनधारकांसाठी मार्गदर्शक ठरणारा आहे. सावरकुंडला येथील या प्रयोगशील शेतकऱ्याचे नाव आहे- घनश्यामभाई चोडवडिया. त्यांच्या...

‘कोटक सिक्युरिटीज’ने सुचविले काही धमाकेदार दिवाळी शेअर्स!

"कोटक सिक्युरिटीज"ने वर्षभरात 34%पर्यंत रिटर्न्स देतील असे खात्रीशीर धमाकेदार शेअर्स या दिवाळीत गुंतवणुकीसाठी सुचविलेले आहेत. पुढील दिवाळीपर्यंत चांगली कामगिरी करू शकतील असे 7 स्टॉक या ब्रोकरेज हाऊसने शॉर्टलिस्ट केले आहेत. अदानी पोर्ट्स-सध्याची किंमत (CMP): ₹ 1,419पुढील दिवाळीपर्यंत टार्गेट: ₹ 1,900गुंतवणुकीवर...

मुलुंडमध्ये उद्या ‘दिवाळी पहाट’!

महाराष्ट्राच्या सांस्कृतिक कार्य संचालनायाच्या वतीने यंदा राज्यभर दहा ठिकाणी व दिल्लीतही ‘दिवाळी पहाट’ या सांगितिक कार्यक्रमाचे आयोजन करण्यात आले आहे. मुंबईतल्या स्वातंत्र्यवीर सावरकर राष्ट्रीय स्मारक शिवाजी पार्क, दादर येथे आज, २१ ऑक्टोबरला हा कार्यक्रम झाला. उद्या मुंबईच्या कालिदास नाट्यगृह (मुलुंड) येथे दिवाळी पहाट,...
Skip to content