Saturday, July 13, 2024
Homeएनसर्कलमहिला दिनानिमित्त लाभ...

महिला दिनानिमित्त लाभ घ्या महिला सन्मान बचत प्रमाणपत्राचा!

8 मार्चला असणाऱ्या आंतरराष्ट्रीय महिला दिनानिमित्त गोवा टपाल विभागाने महिलांना महिला सन्मान बचत प्रमाणपत्राचा लाभ घेण्याचे आवाहन केले आहे.  महिलांचे सक्षमीकरण करण्यासाठी तसेच बचत संस्कृतीला चालना देण्यासाठी, केन्द्र सरकारने महिलांसाठी लघु बचत योजना, महिला सन्मान बचत प्रमाणपत्र 2023 आणली आहे. केवळ महिलांचे आर्थिक भविष्य सुरक्षित करणेच नव्हे तर मुलींचे आर्थिक सक्षमीकरण करणे हा उद्देश असलेल्या या योजनेचा लाभ जवळच्या टपाल कार्यालयाच्या माध्यमातून घेता येऊ शकतो.

महिला सन्मान बचत प्रमाणपत्र, 2023 ही योजना महिलांचे सक्षमीकरण आणि त्यांचे आर्थिक भविष्य सुरक्षित करण्याच्या उद्देशाने अनेक फायदे देते. महिलांना स्वतःच्या नावे किंवा पालकांच्या माध्यमातून अल्पवयीन मुलीच्या नावे खाते उघडण्याची लवचिकताही आहे. गुंतवणुकीचा कालावधी 2 वर्षांचा असून, संपत्ती निर्माणासाठी हा एक समर्पित मार्ग सुनिश्चित करते.

खाते, उघडण्याच्या तारखेपासून 2 वर्षांनी ते परिपक्व होईल. ते आर्थिक नियोजनासाठी एक संरचित दृष्टीकोन प्रदान करेल. खाते उघडण्याची प्रक्रिया सुरू करण्यासाठी, दोन छायाचित्रे, मुलीचे जन्म प्रमाणपत्र (लागू असल्यास), पॅन कार्ड आणि पालकांच्या आधार कार्डच्या प्रती, ही आवश्यक कागदपत्रे आहेत.

दरसाल 7.5% इतका आकर्षक व्याजदर, त्रैमासिक आणि चक्रवाढ जमेसह, ही योजना आर्थिक वाढीसाठी एक आकर्षक संधी प्रदान करते. शिवाय, खाते उघडल्याच्या तारखेपासून एक वर्षानंतर शिल्लक रकमेच्या 40%पर्यंत रक्कम गुंतवणूकदार काढू शकतात, यामुळे आवश्यकतेनुसार काही प्रमाणात तरलता उपलब्ध होऊ शकते.

ही योजना वाजवी खात्याची मर्यादादेखील लागू करते, ज्यामुळे व्यक्तींना जास्तीतजास्त 2,00,000/- रुपयांच्या मर्यादेत कितीही खाती उघडता येतात. मात्र, विद्यमान आणि नवीन उघडल्या जाणाऱ्या खात्यांदरम्यान 3 महिन्यांचे अंतर अनिवार्य आहे. महिला सन्मान बचत प्रमाणपत्र, 2023साठी गुंतवणूकदारांना कोणतीही वयोमर्यादा नाही. यात सर्वसमावेशकतेवर भर दिला असून किमान 1000/- रुपयांच्या ठेवीसह गुंतवणुकीत लवचिकता प्रदान केली आहे.  

केंद्र सरकारने आर्थिक वर्ष 2023-24च्या केंद्रीय अर्थसंकल्पात घोषित केलेल्या या उपक्रमाचा उद्देश भारतातील महिलांमध्ये आर्थिक विवेकाची सवय वाढवणे हा आहे. 1 एप्रिल 2023पासून कार्यरत असलेली ही योजना 31 मार्च 2025 रोजी पूर्ण होणार आहे.

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!