Saturday, July 13, 2024
Homeएनसर्कलनागपुरात दिव्यांगांसाठी अनुभूती...

नागपुरात दिव्यांगांसाठी अनुभूती इन्क्लुझिव्ह पार्क! 

देशातील सर्वात सुंदर आणि उच्च दर्जाच्या सुविधांनी युक्त असा दिव्यांग पार्क नागपूर शहरात होत असून याचा फायदा नागपुरातील दिव्यांगाना होणार असल्याचा विश्वास केंद्रीय रस्ते वाहतूक आणि महामार्ग मंत्री  नितीन गडकरी यांनी पूर्व नागपुरातील सूर्य नगर येथे दिव्यांगांसाठी अनुभुती इन्क्लुझिव्ह पार्कच्या लोकार्पण समारंभाप्रसंगी काल व्यक्त केला.

पूर्व नागपूरच्या सूर्य नगर, लता मंगेशकर गार्डन, पारडी येथे दिव्यांगाकरिता अनुभूती इन्क्लुझिव्ह पार्कचा लोकार्पण सोहळा गडकरींच्या हस्ते पार पडला. त्यावेळी ते बोलत होते. उपमुख्यमंत्री देवेंद्र फडणवीस, नागपूर सुधार प्रन्यासचे सभापती मनोज सूर्यवंशी आणि पूर्व नागपूरचे आमदार कृष्णा खोपडे यावेळी उपस्थित होते.

मध्य प्रदेशातील उज्जैन येथे तत्कालीन जिल्हाधिकारी संकेत भोंडवे यांच्या निरीक्षणाखाली दिव्यांग पार्क उभारला गेला. याच पार्कच्या धर्तीवर असाच एक पार्क नागपुरात व्हावा अशी आमची इच्छा होती. नागपुरातील या दिव्यांग पार्कसाठी संकेत भोंडवे यांचे सहकार्य लाभले असून या पार्कच्या पहिल्या टप्प्याचे काम पूर्ण झाले आहे.नागपूर सुधार प्रन्यासचे सभापती मनोज कुमार सूर्यवंशी, डॉ. पंकज मारू, रितेश यादव आणि संजय कुलकर्णी यांचे यात विशेष योगदान लाभलेले आहेत. सर्वांना लक्षात राहील असा पार्क नागपूर इथे उभारला गेला असून या पार्कमध्ये गुणवत्तेचे काम व्हावे अशी अपेक्षा आहे, असे गडकरी म्हणाले.

दिव्यांगाच्या अनुभूती इन्क्लुझिव्ह पार्कमध्ये फिजिओथेरपी इमारत, हायड्रोथेरपी रूम, क्लासरूम, वॉटर इक्विटी झोन, किचन कॅन्टीन, दृष्टीहीन लोकांसाठी स्पर्शिकामार्ग, श्रवणदोष असलेल्यांसाठी सांकेतिक भाषा निर्देशक आणि ब्रेल लिपीमधील नामांकन व चिन्ह यांचा समावेश आहे. तसेच नक्षत्रवाटिका, झायलोफोन आणि पक्षांच्या आवाजातील संगीत थेरपी, ब्रेल बुद्धिबळ, दिव्यांगांसाठी रबर फ्लोरिंगवर खेळांची उपकरणे आणि ओपन जिम अशा विविध सुविधा असल्याचे त्यांनी सांगितले.

राज्याचे उपमुख्यमंत्री आणि नागपूरचे पालकमंत्री देवेंद्र फडणवीस यांच्याशी चर्चा करून जिल्हा विकास नियोजन समितीमधून आर्थिक तरतूद करून दिव्यांगाना या पार्कपर्यंत येण्याजाण्याची सोय व्हावी म्हणून इलेक्ट्रिक बस देण्यावरसुद्धा चर्चा झालेली आहे. दिव्यांगांसाठी उभारलेला अनुभूती इन्क्लुझिव्ह पार्क देशातला आदर्श असा एक पार्क असून या पार्कचे नियोजन आणि व्यवस्थापन विशेष टीम स्थापन करून येथील सुविधेची परिणामकारक अंमलबजावणी होईल यासाठी प्रयत्न करावे, असेही गडकरींनी सांगितले.

भविष्यात या दिव्यांगाच्या पार्कसाठी अनेक नवनवीन आधुनिक उपकरणे पुरवण्यावर आपला भर राहणार आहे. दिव्यांगासाठी उभारलेले अनुभूती इन्क्लुझिव्ह पार्क हे दिव्यांगाच्या चेहऱ्यावर हसू फुलवण्याचे काम करेल तसेच दिव्यांगासाठी नागपुरात सर्वात मोठे स्पोर्ट्स स्टेडियम उभारले जाणार असल्याचे गडकरींनी जाहीर केले.

पंतप्रधान नरेंद्र मोदी यांनी दिव्यांगांना मुख्य धारेत आणण्यासाठी विविध प्रकारच्या योजना राबविल्या आहेत. केंद्र सरकार आणि राज्य सरकार दिव्यांगासाठी विविध आधुनिक उपकरणे आणि आरोग्य सेवा पुरवीत आहे. राज्य सरकारच्या नोकर भरतीमध्ये दिव्यांगासाठी आरक्षणाचीसुद्धा तरतूद केलेली आहे. लहान मुलांतील कर्णबधिरता आटोक्यात आणण्यासाठी कॉक्लिअर इम्प्लांटची सुविधा नागपुरात उपलब्ध झालेली आहे. अनुभूती इन्क्लुझिव्ह पार्क येथे दिव्यांगांसाठी विविध थेरपी आणि प्रशिक्षण देणारे प्रशिक्षक उपलब्ध आहेत, असेही त्यांनी सांगितले.

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!