बॅडमिंटन असोसिएशन मुंबई उपनगरच्या वतीने नुकत्याच गोरेगाव स्पोर्ट्स क्लब येथे 10 वर्षे वयोगटावरील दुहेरीच्या स्पर्धा घेण्यात आल्या होत्या. त्यामध्ये आनंद विठ्ठलकर व बाळकृष्ण पी. एम. यांनी दुहेरीचे विजेतेपद पटकावले.
उपांंत्य फेरीत त्यांनी डॉ. झूबेर सोयाथिया, माणिक दारूवाला जोडीचा 21 – 14, 21 -14 असा दोन गेममध्ये सहज पराभव करून अंतिम फेरीत प्रवेश केला. अंतिम फेरीमध्ये आनंद, बाळकृष्ण जोडीने अशोक शर्मा, महेश छाब्रियाचा 21 – 19, 21- 14 दोन गेममध्ये आरामात पराभव करून विजेतेपद संपादन केले. विजेत्या जोडीस रुपये 6000/- चा धनादेश, अविनाश धर्माधिकारी, अध्यक्ष, बॅडमिंटन असोसिएशन मुंबई उपनगर, राखी सोनिग्रा, संयुक्त सचिव गोरेगाव स्पोर्ट्स क्लब यांच्या हस्ते देण्यात आला.