महायुती सरकारच्या २५ महिन्यांच्या कार्यकाळात मुख्यमंत्री एकनाथ शिंदे यांनी तब्बल २२ हजार ३६४ फाईल्सचा निपटारा केला आहे. महाविकास आघाडीच्या अडीच वर्षांच्या तुलनेत दुप्पट फाईल्सचा निपटारा आणि तिप्पट कामांना मंजुरी देऊन मुख्यमंत्री एकनाथ शिंदे यांनी फेसबुक नव्हे तर फेस टू फेस काम करणारे सरकार असल्याचे दाखवून दिले आहे.
१ जुलै २०२२ ते ३१ जुलै २०२४ या कार्यकाळात मुख्यमंत्री एकनाथ शिंदे यांनी माजी मुख्यमंत्री उद्धव ठाकरेंपेक्षा दुप्पट वेगाने फाईलींचा निपटारा केला आहे. मुख्यमंत्र्यांनी २५ महिन्यांत तिप्पट कामांना मंजुरी दिली. राज्यातील विकासकामांचे प्रस्ताव आणि जनहिताच्या फाईल्सचा वेगाने पाठपुरवठा करून
मुख्यमंत्री कार्यालयाने त्या मंजूर केल्या. महाविकास आघाडी सरकारच्या काळात मुख्यमंत्री ठाकरे केवळ अडीच दिवस मंत्रालयात गेले होते. उर्वरित काळात फेसबुकवर काम करुन त्यांनी राज्याचा प्रगतीला हातभार लावला.
उपलब्ध आकडेवारीनुसार गेल्या २५ महिन्यांत मुख्यमंत्री कार्यालयाकडे २३ हजार ६७४ फाईल्स प्राप्त झाल्या होत्या. त्यापैकी २२ हजार ३६४ फाईल्सना मंजुरी देण्यात आली. राज्याच्या मुख्यमंत्री कार्यालयाची ही आजवरची विक्रमी कामगिरी आहे. १ जानेवारी २०२० ते २० मे २०२२ या महाविकास आघाडी सरकारच्या काळात तेव्हाचे मुख्यमंत्री उद्धव ठाकरे यांच्या मुख्यमंत्री कार्यालयाकडे ११ हजार २२७ फाईल्स प्राप्त झाल्या होत्या. त्यापैकी केवळ ६ हजार ८२४ फाईल्स मंजूर करण्यात आल्या होत्या.
