मुंबईतल्या जी उत्तर विभागातील दादर येथील बाई गुलबाई आरोग्यकेंद्र व दवाखाना अन्य ठिकाणी काही कारणाने तात्पुरत्या स्वरूपात स्थलांतरीत करण्यात आला होता. आता हा दवाखाना मूळ ठिकाणी म्हणजे अमृत महोत्सव इमारत, पहिला मजला, एन. सी. केळकर मार्ग, दादर याठिकाणी कालपासून, १५ एप्रिलपासून पुन्हा कार्यान्वित करण्यात आला आहे.
जी उत्तर विभागातील बाई गुलबाई आरोग्य केंद्र व दवाखाना २१ जून २०१३ रोजी दादर येथील सद्गुरू हाईट्स, तळमजला, भवानी शंकर मार्ग, दादर येथे स्थलांतरीत करण्यात आला होता. मूळ जागेवरील इमारत पूर्ण झाल्यानंतर हा दवाखाना आता मूळ ठिकाणी कार्यान्वित करण्यात आला आहे. जी उत्तर विभागातील नागरिकांनी या आरोग्य केंद्र व दवाखान्यातून देण्यात येणाऱ्या आरोग्यसेवेचा लाभ घ्यावा, असे आवाहन पालिकेच्या वैद्यकीय आरोग्य अधिकाऱ्यांनी केले आहे.
