Friday, July 12, 2024
Homeब्लॅक अँड व्हाईटप. बंगाल, आसाम-मेघालयात...

प. बंगाल, आसाम-मेघालयात २ दिवस अतिवृष्टीचे!

येत्या दोन दिवसांत उपहिमालयीन पश्चिम बंगाल तसेच आसाम-मेघालय भागात तीव्र ते अतितीव्र स्वरूपाचा पाऊस पडण्याची आणि तुरळक ठिकाणी मुसळधार पावसाची शक्यता भारतीय हवामान खात्याने वर्तवली आहे. या 24 तासांत उत्तर भारताच्या बऱ्याच भागांमध्ये उष्णतेची तीव्र किंवा अतितीव्र लाट राहील आणि त्यानंतरच्या काळात उष्णतेचा प्रभाव हळूहळू कमी होईल, असा अंदाजही सांगण्यात आला आहे.

येत्या 3-4 दिवसांमध्ये महाराष्ट्र, छत्तीसगड, ओदिशा, आंध्र प्रदेशचा तटवर्ती भाग आणि बंगालच्या आखाताचा वायव्य भाग, पश्चिम बंगालमधील गंगेचा तटवर्ती भाग, उपहिमालयीन पश्चिम बंगालचा उर्वरित भाग तसेच बिहार आणि झारखंडमधील काही भाग या क्षेत्रांमध्ये नैऋत्य मोसमी पावसाच्या पुढच्या प्रगतीसाठी पोषक स्थिती निर्माण झाली आहे.

आसामच्या वायव्य भागावर चक्रीवादळ घोंघावते आहे. निम्न उष्णकटिबंधीय पातळीवर बंगालच्या आखातातून वायव्य भारताकडे आग्नेयेकडून/दक्षिणेकडून सोसाट्याचे वारे अधिक प्रमाणात दिसत आहेत. त्यांच्या प्रभावामुळे पुढील 5 दिवसांत अरुणाचल प्रदेश, आसाम आणि मेघालय, नागालँड, मणिपूर,

आसाम
Anemometer, wind speed and direction measuring device.

मिझोरम आणि त्रिपुरा तसेच उपहिमालयीन पश्चिम बंगालच्या क्षेत्रात वादळी वारे, विजांचा कडकडाट आणि सोसाट्याच्या वाऱ्यांसह (30 तर 40 किमी प्रती तास वेगाने) मोठ्या प्रमाणावर हलक्या ते मध्यम स्वरूपाचा पाउस पडण्याची शक्यता आहे. त्याचप्रमाणे 21 तारखेपर्यंत उपहिमालयीन पश्चिम बंगाल, आसाम आणि मेघालय तसेच अरुणाचल प्रदेश या भागांत तुरळक ठिकाणी तीव्र ते अतितीव्र स्वरुपाचा पाउस पडण्याची शक्यता आहे.

अरबी समुद्राचा सौराष्ट्राच्या लगत असलेल्या ईशान्येकडील भागावर निम्न आणि मध्यम स्तरावर हवेची चक्राकार स्थिती घोंघावते आहे तसेच बंगालच्या उपसागराच्या पश्चिम मध्य भागात तटवर्ती आंध्रप्रदेशला लागून असणाऱ्या भागात निम्न उष्णकटिबंधीय स्तरावर आणखी एक चक्राकार दिसून येत आहे. त्यांच्या प्रभावामुळे येत्या 5 दिवसांत मध्य महाराष्ट्र आणि मराठवाडा, कोकण आणि गोवा तसेच गुजरात राज्यात हलक्या ते मध्यम स्वरूपाच्या पावसासह वादळ आणि विजांचा कडकडाट होण्याची शक्यता आहे.

21 जूनपर्यंत कोकण आणि गोवा तसेच मध्य महाराष्ट्राच्या घाट परिसरात तर 20 ते 21 जून या काळात गुजरात परिसरात तुरळक ठिकाणी जोरदार पाऊस पडेल. येत्या 5 दिवसांत मध्य प्रदेशाच्या पश्चिम भागात तुरळक ठिकाणी वादळ, विजेचा कडकडाट तसेच सोसाट्याच्या वाऱ्यांसह (40 ते 60 किमी प्रती तास वेगाने) हलक्या ते मध्यम स्वरूपाचा पाऊस पडेल. या काळात मध्य प्रदेशाचा पूर्वेकडील भाग, विदर्भ तसेच छत्तीसगड येथे काही ठिकाणी पाऊस पडेल, असा अंदाज वर्तविण्यात आला आहे.

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!