Details
धारावीच्या मंदिरातून गणपतीची दगडी मूर्ती चोरीला!
01-Jul-2019
”
केएचएल न्यूज ब्युरो
[email protected]
वाढत्या चोरीच्या घटनांमुळे धारावीकर त्रस्त असताना गल्लीबोळातील देवी-देवतांची मंदिरेसुद्धा असुरक्षित असल्याची घटना धारावी मेन रोडवरील कानडी चाळ परिसरात सोमवारी मध्यरात्री घडली आहे. दोन चोरटयांनी सोन्या-चांदीची नव्हे चक्क गणपतीची काळ्या दगडाची किंमती मूर्ती चोरून पोबारा केला आहे. या घटनेमुळे परिसरात एकच खळबळ माजली असून परिसरात सलग दुसरी घटना घडल्याने धारावी पोलीस कुठे आहेत असा प्रश्न रहिवासी विचारत आहेत.
गेल्या महिन्यात एकाच रात्रीत अज्ञात चोरटयांनी तीन घरफोड्या करून लाखो रूपयांचा ऐवज लंपास केला. अज्ञात चोरटे अजूनही मोकाट असल्याने धारावी पोलिसांबाबत परिसरात नाराजी आहे. याप्रकरणी मंदिराचे मालक पत्रकार बाळा सुब्रमण्यम यांनी धारावी पोलीसठाण्यात तक्रार दाखल केली आहे. अज्ञात चोरट्यांचे कृत्य मंदिरालगत असलेल्या सीसीटीव्ही कॅमेऱ्यात कैद झाले असून धारावी पोलीस अधिक तपास करत आहेत. कानडी चाळीत राहणाऱ्या पत्रकाराने दोन वर्षांपूर्वी तामिळनाडूतील देवळांचे महानगर म्हणून सुप्रसिद्ध असलेल्या मदुराई येथून एक फुटाची काळ्या दगडाची गणपतीची मूर्ती ६५ हजार रूपये देऊन बनवून घेतली. मदुराईच्या एका प्रसिद्ध मंदिरातील पुजाऱ्यांकडून छोट्याशा मंदिरात विधिवत पूजा करून गणपतीची प्राणप्रतिष्ठा केली होती. गणेशजयंतीला पूजा, आरती तसेच भंडारा होत असल्याने अल्पवधीत छोटेसे गणपती मंदिर विभागात प्रसिद्ध झाले. जागृत मूर्ती आकर्षक दिसत असल्याने ती साऱ्यांचे लक्ष वेधून घेत होती.
सोमवारी मध्यरात्री परिसरातील रहिवासी गाढ झोपेत असताना दोन अज्ञात चोरटे मंदिराबाहेरील लोखंडी गेटजवळ आले. त्यातील एकाने गेटवरून उडी मारून मंदिर परिसरात प्रवेश करत अवघ्या काही सेकंदात गणेशाची मूर्ती उचकटून गेटजवळ अंगावर पांघरूण घेऊन उभ्या असलेल्या दुसऱ्या साथीदाराच्या हवाली करत पोबारा केला. त्यावेळी शेजारी राहणाऱ्या एका मुलाची नजर त्या अज्ञात चोरट्यांवर पडली. त्याने लागलीच बाळा यांना झोपेतून उठविले. बाळा यांनी मंदिराची पाहणी केली असता मूर्ती चोरीला गेल्याचे त्यांच्या निदर्शनास आले. त्यांनी तत्काळ धारावी पोलिसांना घटनेची माहिती दिली. गेल्या महिन्यात बाळा यांच्या घरावर अज्ञात चोरटयांनी हात साफ करून लाखो रूपयांचा ऐवज लंपास केला होता. सलग दुसरी घटना घडल्याने ते चिंतेत आहेत. छायाचित्रेः भूषण कोयंडे
”
“केएचएल न्यूज ब्युरो
[email protected]
वाढत्या चोरीच्या घटनांमुळे धारावीकर त्रस्त असताना गल्लीबोळातील देवी-देवतांची मंदिरेसुद्धा असुरक्षित असल्याची घटना धारावी मेन रोडवरील कानडी चाळ परिसरात सोमवारी मध्यरात्री घडली आहे. दोन चोरटयांनी सोन्या-चांदीची नव्हे चक्क गणपतीची काळ्या दगडाची किंमती मूर्ती चोरून पोबारा केला आहे. या घटनेमुळे परिसरात एकच खळबळ माजली असून परिसरात सलग दुसरी घटना घडल्याने धारावी पोलीस कुठे आहेत असा प्रश्न रहिवासी विचारत आहेत.
गेल्या महिन्यात एकाच रात्रीत अज्ञात चोरटयांनी तीन घरफोड्या करून लाखो रूपयांचा ऐवज लंपास केला. अज्ञात चोरटे अजूनही मोकाट असल्याने धारावी पोलिसांबाबत परिसरात नाराजी आहे. याप्रकरणी मंदिराचे मालक पत्रकार बाळा सुब्रमण्यम यांनी धारावी पोलीसठाण्यात तक्रार दाखल केली आहे. अज्ञात चोरट्यांचे कृत्य मंदिरालगत असलेल्या सीसीटीव्ही कॅमेऱ्यात कैद झाले असून धारावी पोलीस अधिक तपास करत आहेत. कानडी चाळीत राहणाऱ्या पत्रकाराने दोन वर्षांपूर्वी तामिळनाडूतील देवळांचे महानगर म्हणून सुप्रसिद्ध असलेल्या मदुराई येथून एक फुटाची काळ्या दगडाची गणपतीची मूर्ती ६५ हजार रूपये देऊन बनवून घेतली. मदुराईच्या एका प्रसिद्ध मंदिरातील पुजाऱ्यांकडून छोट्याशा मंदिरात विधिवत पूजा करून गणपतीची प्राणप्रतिष्ठा केली होती. गणेशजयंतीला पूजा, आरती तसेच भंडारा होत असल्याने अल्पवधीत छोटेसे गणपती मंदिर विभागात प्रसिद्ध झाले. जागृत मूर्ती आकर्षक दिसत असल्याने ती साऱ्यांचे लक्ष वेधून घेत होती.
सोमवारी मध्यरात्री परिसरातील रहिवासी गाढ झोपेत असताना दोन अज्ञात चोरटे मंदिराबाहेरील लोखंडी गेटजवळ आले. त्यातील एकाने गेटवरून उडी मारून मंदिर परिसरात प्रवेश करत अवघ्या काही सेकंदात गणेशाची मूर्ती उचकटून गेटजवळ अंगावर पांघरूण घेऊन उभ्या असलेल्या दुसऱ्या साथीदाराच्या हवाली करत पोबारा केला. त्यावेळी शेजारी राहणाऱ्या एका मुलाची नजर त्या अज्ञात चोरट्यांवर पडली. त्याने लागलीच बाळा यांना झोपेतून उठविले. बाळा यांनी मंदिराची पाहणी केली असता मूर्ती चोरीला गेल्याचे त्यांच्या निदर्शनास आले. त्यांनी तत्काळ धारावी पोलिसांना घटनेची माहिती दिली. गेल्या महिन्यात बाळा यांच्या घरावर अज्ञात चोरटयांनी हात साफ करून लाखो रूपयांचा ऐवज लंपास केला होता. सलग दुसरी घटना घडल्याने ते चिंतेत आहेत. छायाचित्रेः भूषण कोयंडे
”
