Tag: Swatantraveer Sawarkar

स्वातंत्र्यवीर विनायक दामोदर सावरकर (जन्म २८ मे १८८३) या द्रष्ट्या, क्रांतीकारी देशभक्त अन् अत्यंत प्रतिभासंपन्न व्यक्तीमत्त्वाचे नाव भारताच्याच नव्हे, तर जगाच्या इतिहासात सुवर्णाक्षराने कोरले गेले आहे! आजच्या अत्यंत व्यक्तिकेंद्रीत, संकुचित, ‘अर्थ आणि काम’ याभोवती गुंजी घालणार्‍या आणि जातीयवादी साहित्याच्या तुलनेत उत्तुंग, उज्ज्वल अन् महन्मंङ्गल असे जगण्याचे एक उदात्त ध्येय समोर ठेवणार्‍या अविस्मरणीय अशा साहित्याची निर्मिती भाषाप्रभू आणि विद्वतप्रचूर सावरकरांनी केली. ‘राष्ट्र’ हेच त्यांचे जीवनमूल्य असल्याने त्यांचे एकमेवाद्वितीय साहित्य हे राष्ट्रहिताच्या अनुषंगानेच प्रसवलेले आहे. साहित्यिकही अनेक असतात आणि क्रांतीकारकही अनेक होऊन गेले; मात्र स्वातंत्र्यवीर सावरकारांसारखा क्रांतीवीर साहित्यिक हा यासम हाच! अंदमानाच्या  कारावासात  पाठवण्याआधी कारागृहातील  शेवटच्या  भेटीत स्वा. सावरकरांनी आपल्या तरुण पत्नीला केलेला उपदेश! ‘‘.. बरे ईश्वराची दया असेल, तर...