Tag: Medical

केंद्रीय आरोग्य व कुटुंब कल्याण विभागाशी संबंधित संसदीय समितीने आपल्या 163व्या अहवालात खाजगी महाविद्यालयांनी वैद्यकीय शिक्षणाचा खर्च 50 टक्क्यांनी कमी करावा नाहीतर 8 लाख रुपयांपेक्षा कमी वार्षिक उत्पन्न असणाऱ्या विद्यार्थ्याना प्रवेश मिळणे कठीण जाईल, असे म्हटले आहे. सरकारी महाविद्यालयात एका वर्षाला जवळपास 50,000 रुपये असल्यास खाजगी महाविद्यालयात हीच फी 30 लाख रुपयांच्या घरात असल्यामुळे पाच वर्षाxच्या अभ्यासक्रमाचा खर्च एक कोटी रुपयांहून अधिक होतो. देशात 706 वैद्यकीय महाविद्यालये असून यात 55 टक्के महाविद्यालये खाजगी आहेत. सरकारी महाविद्यालयात अंदाजे 56,000 एमबीबीएस सीट्स आहेत. दरवर्षी जवळजवळ 11 लाख विद्यार्थी नीट परीक्षेत उत्तीर्ण होऊन महाविद्यालय प्रवेशासाठी प्रयत्न करतात. किमान एक लाख विद्यार्थ्यांना शिष्यवृत्तr द्यावी, खाजगी महाविद्यालयाना वैद्यकीय साधनसामुग्री आणि प्रयोगशाळा यासाठी 10,000 कोटी रुपये “स्किल लॅब सबसिडी” द्यावी...