Tag: Marathi theatre

महाराष्ट्राची संपन्न रंगभूमी नि तिचा वारसा पाहिला की एकापेक्षा एक गुणी कलाकारांची रत्नेच दिसतात. अनेकांनी आपल्या अभिनयाची छाप सोडून रसिकांना भरभरून देण्यातच धन्यता मानली. अशांपैकी एक नाव म्हणजे चंद्रकांत रघुनाथ गोखले! त्यांनी अभिनय वारसा जोपासताना त्याकडे केवळ उत्पन्न नि व्यवसाय साधन न पाहता त्याचा आनंद घेतला नि लोकांना दिला. अशा अनेक कलाकारांच्या यादीत त्यांचे नाव आपसूकच नोंदले गेले. आपल्या मातुल घराण्याचा वारसा त्यांनी जोपासलाच, पण तो पुढच्याही पिढीत उतरवला. विख्यात अभिनेते विक्रम गोखले हे त्यांचे सुपुत्र होत! चंद्रकांत गोखले यांचे यंदा जन्मशताब्दी वर्ष आहे. त्यांची आजी दुर्गाबाई नि आई कमलाबाई...