Tag: Maharashtra

येत्या बुधवारी आपल्या राज्यात विधानसभेच्या निवडणुकीसाठी मतदान होऊ घातले आहे.अवघ्या चार-पाच दिवसांवर आलेल्या विधानसभा निवडणुकांवर काय लिहिणार हा खरं तर यक्षप्रश्न आहे. सुमारे दहा-बारा प्रमुख राजकीय पक्ष गेले तीन-चार महिने राज्य घुसळून काढत आहेत. प्रत्येकाचे जाहीरनामे वेगळे, वचननामे वेगळे. मात्र घोषणाची रेलचेल. त्या घोषणा अंमलात कशा आणाव्या लागतील यांचे तर्कशास्त्र चक्क खुन्टीला टांगून ठेवलेले.. प्रचार भाषणांबाबत न बोललेलेच बरे. बाराखडीतील कोणत्याही अक्षरापासून सुरु होणारा अपशब्द कानावरून गेला नाही असे नाही. हमामखाने मे सभी नंगे है.. याचा अधिक प्रत्यय या भाषणांशिवाय कुठे असेल असे वाटतं नाही. एक विचारवंत उपरोधाने म्हणाला...