Tag: नाशिक

श्री: आज मार्केटमध्ये पाहिले तर काय दिसते? सौ: काय दिसते? श्री: प्रचंड गर्दी झालेली आहे खरेदीसाठी.. चालायला जागा नाहीये.. सौ: पण, चालायला मार्केटमध्ये कशाला जायचं? गोल्फ क्लबवर जावं.. श्री: (उपहासाने) आपल्या कॉलनीत बागेला चकरा मारायलाही हरकत नाही. सौ: आपलं वय बघा.. सिनेमातल्या हीरोसारखे जाल हिरॉईनच्या मागे... चकरा मारायला आणि याला गाल रंगवून.. श्री: अगं, मी काय म्हणत होतो आणि तू कुठे विषय नेलास! सौ: बरं बोला.. श्री: तर मी म्हणत होतो, मार्केटमध्ये खरेदीसाठी गर्दी झाली आहे. किराणापासून मोबाइलपर्यंत आणि इलेक्ट्रॉनिक वस्तूंपासून वाहनांपर्यंत. खरेदीच खरेदी! सौ: हो. ज्वेलर्सच्याही दुकानात गर्दी दिसतेय ना... मग आपणही काहीतरी खरेदी करू या ना.. श्री:...