दरवर्षीप्रमाणे यंदाही मुंबईच्या श्री सिद्धिविनायक गणपती मंदिरात येत्या 22 जानेवारीपासून माघी गणेशोत्सवाला सुरुवात झाली असून यानिमित्त 25 जानेवारीला म्हणजेच उद्या दुपारी साडेतीन वाजता श्री सिद्धिविनायकाची रथयात्रा निघणार आहे.
या रथयात्रेचा मार्ग श्री सिद्धिविनायक गणपती मंदिर – एस के बोले मार्ग – गोखले रोड – काकासाहेब गाडगीळ मार्ग – काशिनाथ घाणेकर मार्ग – अप्पासाहेब मराठे मार्ग – प्रभादेवी मंदिर – वीर सावरकर मार्ग आणि परत श्री सिद्धिविनायक मंदिर असा आहे. या रथयात्रेत हजारोंच्या संख्येने भाविकांनी सहभागी होऊन रथयात्रा नगरप्रदक्षिणा सुरळीतपणे पूर्ण होण्यासाठी सहकार्य करावे, असे आवाहन श्री सिद्धिविनायक गणपती मंदिर न्यास व्यवस्थापन समितीने केले आहे. हा माघी गणेशोत्सव येत्या 28 जानेवारीपर्यंत चालणार आहे.
