एक्साईज आणि कस्टममधील सेवानिवृत्त अधिकारी कृष्णा पै यांच्या अर्धांगिनी आणि बोरीवली येथील कलामहर्षी, ॲड आर्ट्सचे संस्थापक उदय पै यांच्या मातोश्री शालिनीताई कृष्णा पै यांचे वृद्धापकाळाने मुंबईतल्या बोरीवली येथील एका खाजगी इस्पितळात नुकतेच निधन झाले. त्या ८४ वर्षांच्या होत्या. त्यांच्या पश्चात दोन मुले, एक मुलगी, सुना, नातवंडे असा परिवार आहे.
समाजात अत्यंत मनमिळावू आणि प्रेमळ स्वभावाच्या शालिनीताई यांना बोरीवली येथे अतीशय मानाचे स्थान होते. मितभाषी आणि मनमिळावू स्वभाव हा आपल्या अपत्यांमध्येही आला असल्याने पै परिवार बोरीवली पंचक्रोशीत नावारुपाला आला. गेल्या काही दिवसांपासून शालिनीताई यांची प्रकृती खालावली असल्याने त्यांना उपचारासाठी खाजगी इस्पितळात दाखल करण्यात आले. उदय पै आणि परिवाराने त्यांच्या शुश्रुषेत कोणतीही कसूर केली नाही. परंतु प्रकृती ढासळली आणि त्यांनी अखेरचा श्वास घेतला. प्रख्यात चित्रकार वासुदेव कामत, शिवसेना उपनेते विनोद घोसाळकर, विश्वनाथ नेरुरकर, आमदार विलास पोतनीस, विभागप्रमुख उदेश पाटेकर यांच्यासह सर्वच क्षेत्रातील मान्यवरांनी दिवंगत शालिनीताई पै यांच्या अंत्ययात्रेला उपस्थित राहून त्यांना आदरांजली वाहिली.
