लोकसभा निवडणुकीसाठी मोठ्या प्रमाणावर पोलीस बंदोबस्त तसेच कायदा व सुव्यवस्था सांभाळण्याकरिता मनुष्यबळ आवश्यक असल्यामुळे महाराष्ट्र लोकसेवा आयोगाने मुख्य परीक्षा – २०२२मधील पोलीस उपनिरीक्षक संवर्गाच्या शारीरिक चाचणीचा नियोजित कार्यक्रम पुढे ढकलला आहे. १५ एप्रिल ते २ मे, २०२४ या कालावधीत ही शारीरिक चाचणी होणार होती. चाचणीचे नवीन वेळापत्रक लवकरच जाहीर केले जाईल, असे आयोगाने कळविले आहे.
पोलीस उपनिरीक्षक मुख्य परीक्षा – २०२२च्या शारीरिक चाचणीच्या कार्यक्रमाकरिता पोलीस अधिकारी तसेच इतर मनुष्यबळ पुरविणे शक्य होणार नसल्याचे विशेष पोलीस उपमहानिरीक्षक यांनी कळविले असल्याने शारीरिक चाचणी पुढे ढकलण्यात आली आहे, असे महाराष्ट्र लोकसेवा आयोगाने स्पष्ट केले आहे.
राज्यात होणाऱ्या लोकसभा सार्वत्रिक निवडणूक २०२४करिता मोठ्या प्रमाणावर पोलीस बंदोबस्त तसेच कायदा व सुव्यवस्था सांभाळण्याकरिता मनुष्यबळ आवश्यक असल्याने शारीरिक चाचणीच्या कार्यक्रमाकरिता पोलीस अधिकारी तसेच इतर मनुष्यबळ पुरविणे शक्य होणार नसल्याचे शारीरिक चाचणीचा १५ एप्रिल ते २ मे, २०२४ या कालावधीतील नियोजित कार्यक्रम पुढे ढकलण्यात येत असून, शारीरिक चाचणीचा सुधारित सविस्तर कार्यक्रम आयोगाच्या संकेतस्थळावर स्वतंत्रपणे जाहीर करण्यात येईल, असेही आयोगाने नमूद केले आहे.
