मुंबई जिल्ह्यात अनाथ बालकांसाठी 5 मार्च 2024पर्यंत अनाथ पंधरवडा साजरा करण्यात येत आहे. पात्र बालकांना अनाथ प्रमाणपत्र देण्यासाठी आवश्यक कागदपत्रांची पूर्तता व्हावी याकरिता मुंबई जिल्हा महिला व बालविकास कार्यालयात समर्पित कक्षाची स्थापना करण्यात आली असल्याची माहिती जिल्हा महिला व बालविकास अधिकारी शोभा शेलार यांनी दिली.
अनाथ मुलांना शासनाच्या विविध सवलतींचा लाभ घेता यावा, याकरिता राज्याच्या महिला बालविकास विभागामार्फत अ, ब व क, प्रवर्गातून अनाथ प्रमाणपत्र निर्गमित करण्यात येत आहे. यासाठी अर्जदाराच्या आई व वडीलांचा मृत्यू दाखला, अर्जदाराचा जन्म दाखला, बालकांचे अनाथ प्रमाणपत्र सिद्ध करण्यासाठी नगरसेवकांचा दाखला, रहिवासी दाखला, आधारकार्ड, जात प्रमाणपत्र, शाळा सोडल्याचे प्रमाणपत्र, बोनाफाईड, फोटो कॉपी आदी कागदपत्रे अनाथ बालकांना पंधरवड्यात मिळवून देण्यासाठी संबंधित यंत्रणा कार्यान्वित आहे, असेही त्यांनी कळविले आहे.
