नॅशनल इन्स्टिट्यूट ऑफ ओपन स्कूलिंगतर्फे त्यांच्या अभ्यासक्रमाच्या परीक्षा (NIOS), वर्षातून दोनदा एप्रिल-मे आणि ऑक्टोबर-नोव्हेंबर या महिन्यात पूर्व निश्चित केलेल्या तारखांना, आयोजित केल्या जातात.
ऑक्टोबर-नोव्हेंबर, 2023 या वर्षीच्या माध्यमिक आणि उच्च माध्यमिक अभ्यासक्रमांसाठी एनआयओएसच्या प्रात्यक्षिक परीक्षा 16 सप्टेंबर 2023 ते 01 ऑक्टोबर, 2023 आणि लेखी परीक्षा 03 ऑक्टोबर, 2023 ते 08 नोव्हेंबर, 2023 या कालावधीत विविध ठिकाणच्या अभ्यास केंद्रांवर/परीक्षा केंद्रांवर घेण्यात येणार आहेत.
परीक्षेच्या तारखा, वेळापत्रक आणि इतर तपशील एनआयओएसच्या पुढील संकेतस्थळावर उपलब्ध आहेत http://sdmis.nios.ac.in प्रात्यक्षिक आणि लेखी परीक्षेसाठी ओळखपत्र परीक्षा सुरू होण्यापूर्वी पोर्टलवर उपलब्ध करून दिली जातील, असे आयोजकांनी स्पष्ट केले आहे.
