मुंबई महानगरपालिकेच्या मुख्यालयाबाहेर असलेल्या व्ह्यूईंग डेक (Viewing Deck) येथे बरेच पर्यटक फोटो काढण्यासाठी आतुर असतात. मुंबई अधिकाधिक सुशोभित करण्याच्या उद्देशाने व पर्यटकांना नवीन वर्षाचे स्वागत पर्यावरणपूरक पद्धतीने करण्याचा संदेश देताना मुंबई महापालिकेच्या उद्यान विभागाचे अधीक्षक जितेंद्र परदेशी यांच्या मार्गदर्शनाखाली अशी “सेल्फी फ्रेम” तयार करण्यात आली होती. अनेक मुंबईकरांनी याठिकाणी आपली छायाचित्रे घेऊन नववर्षांचे स्वागत केले.
