महाराष्ट्र शासनाच्या सामाजिक न्याय विभागाच्या वतीने देण्यात येणारा डॉ. बाबासाहेब आंबेडकर समा
जभूषण पुरस्कार ज्येष्ठ पत्रकार व सामाजिक कार्यकर्ते राजू झनके यांना जाहीर झाला आहे. येत्या मंगळवारी १२ मार्चला सकाळी मुख्यमंत्री एकनाथ शिंदे यांच्या हस्ते त्यांना हा पुरस्कार देण्यात येणार आहे.
विविध कारणास्तव मागील चार वर्षांपासून प्रलंबित असलेले महाराष्ट्र शासनाच्या सामाजिक न्याय विभागाचे विविध पुरस्कार शासनाने काल रात्री उशिरा जाहीर केले. यात राजू झनके यांना डॉ. बाबासाहेब आंबेडकर समजभूषण पुरस्कार २९२१-२०२२, हा जाहीर करण्यात आला. मागील २५ वर्षांपासून विविध दैनिकांमध्ये काम व २३ वर्षांपासून मंत्रालय आणि विधिमंडळाचे वार्तांकन करीत असलेले झनके यांनी आठ वर्षांपासून सुरू केलेली एक वही एक पेन अभियान, ही संकल्पना राज्यासह देशभरात लोकप्रिय झाली आहे.
या कार्यासोबतच मागील ३५ वर्षांपासून समाजातील विविध घटकांच्या प्रश्नावर आवाज उचलून त्यांना न्याय देण्यासाठी शासन, प्रशासन स्तरावर पाठपुरावा, रुग्णांना, महिलांना सहकार्य व मदत मिळवून देणे आदी कार्यातून त्यांनी अनेकांना न्याय मिळवून देण्याचा प्रयत्न केला आहे.
