मुंबईतल्या सासमिरा इन्स्टिट्यूट ऑफ मॅनेजमेंट स्टजीजच्यावतीने उद्या, १० डिसेंबरला सायक्लोथॉनचे आयोजन करण्यात आले आहे.
द एनजीओ मेला, या कार्यक्रमाअंतर्गत विविध स्वयंसेवी संस्थांना जोडण्याचा याव्दारे प्रयत्न केला जातो. या उपक्रमाव्दारे विविध स्वयंसेवी संस्थांचे कार्य लोकांसमोर मांडण्यासाठी व्यासपीठ उपलब्ध करून देण्यात येते. या सायक्लोथॉनच्या ऑफलाईन नोंदणीची सुरूवात सकाळी साडेसहा वाजता होईल. साडेसात वाजता सायक्लोथॉनला हिरवा झेंडा दाखवून सुरूवात होईल.
वरळी नाका, श्रीराम मील, लोअर परळ, कमला मिल, मोतीलाल ओसवाल, पोर्तुगीज चर्च, सिध्दिविनायक मंदिर आणि सासमिरा इन्स्टिट्यूटचे कँपस असा या सायक्लोथॉनचा मार्ग असेल. या उपक्रमात सहभागी होणाऱ्यांना प्रमाणपत्र व पदके दिली जातील, असे आयोजकांनी कळविले आहे.
