मुंबई स्पेशल

मुंबईत मॅनहोल्सवर काम करताना सार्वजनिक सुरक्षितता अधिक बळकट करण्यासाठी तसेच देखभाल-दुरुस्तीची कामे करणाऱ्या कर्मचाऱ्यांच्या सुरक्षेसाठी 'मॅनहोल रेलगार्ड' ही चौकोनी आकारातील प्रतिकृती एका संस्थेकडून विकसित करण्यात आली आहे. या प्रतिकृतीची प्रत्यक्ष पाहणी आज मुंबईच्या महापौर रितू तावडे आणि अतिरिक्त महापालिका आयुक्त (प्रकल्प) अभिजित बांगर यांनी महापालिका मुख्यालयात केली. यावेळी अनेक नगरसेवक उपस्थित होते. या प्रतिकृतीची सविस्तर माहिती घेतल्यानंतर महापौर तसेच अतिरिक्त आयुक्त बांगर यांनी तिच्या प्रभावी वापराच्या दृष्टीने काही सूचना केल्या. मॅनहोलच्या आकारानुसार रेलगार्डचा आकार सहजपणे कमीजास्त करता येणे, काळोखात दृश्यमानता वाढावी यासाठी त्यावर परावर्तक रंग लावणे किंवा लुकलुकणारे दिवे...