आर्य क्रीडा मंडळ व ठाणे जिल्हा ब्रीज असोसिएशन यांच्या संयुक्त विद्यमाने येत्या रविवारी, दि. २४ डिसेंबर २०२३ रोजी ब्रीज स्पर्धेचे आयोजन करण्यात आले आहे. आर्य क्रीडा मंडळ, गावदेवी, ठाणे (प) येथे ही स्पर्धा होणार आहे. ही स्पर्धा पेअर्स पद्धतीने खेळविण्यात येणार आहे.
ही स्पर्धा दोन सत्रांमध्ये खेळविण्यात येईल. २४ डिसेंबर रोजी सकाळी नऊ वाजता उद्घाटनाने पहिल्या सत्राने या स्पर्धेला सुरूवात होईल. तर दुपारी दोन वाजता दुसऱ्या सत्राची सुरूवात होईल. स्पर्धेतील विजेत्यांना आकर्षक पारितोषिक दिले जाईल. स्पर्धेच्या अधिक माहितीसाठी व सहभागी होण्यासाठी अनिरूद्ध संझगिरी– ९८१९२६७४५७ अथवा शरद गोरे– ९८३३७४९५३५ यांच्याशी संपर्क साधण्याचे आवाहन आयोजकांनी केले आहे.
चीनमध्ये झाली होती एशियन ब्रीज स्पर्धा
चीनमध्ये २७ सप्टेंबर ते ०६ ऑक्टोबरदरम्यान एशियन देशांसाठी विविध खेळांचे आयोजन करण्यात आले. यात ब्रीज खेळाचाही समावेश होता. ठाणे जिल्हा ब्रीज असोसिएशन संस्थेचे नामवंत खेळाडू राजू तोलानी आणि अजय खरे यांनी एशियन ब्रीज स्पर्धेत भारताचे प्रतिनिधित्व करत रौप्य पदकाची कमाई केली. त्यांचा यावेळी सत्कार करण्यात येणार आहे.
