अरुणाचल प्रदेश आणि सिक्कीमच्या विधानसभा मतदारसंघांमध्ये मतमोजणीच्या तारखांमध्ये बदल करण्यात आला आहे. आता ही मतमोजणी 4 जूनऐवजी 2 जूनला होणार आहे.
निवडणूक आयोगाने 16 मार्चला लोकसभा निवडणुकीसोबत आणि विविध राज्यांच्या विधानसभा निवडणुकाही जाहीर केल्या. त्यात अरुणाचल प्रदेश आणि सिक्कीमच्या विधानसभा निवडणुकांचे वेळापत्रक जाहीर करण्यात आले. या दोन्ही राज्यांमध्ये मतदान 19 एप्रिल 2024 रोजी आणि मतमोजणी 4 जून 2024 रोजी होणार असल्याचे जाहीर करण्यात आले होते. मात्र भारताच्या राज्यघटनेच्या 172(1) कलमासोबत कलम 324 आणि लोकप्रतिनिधी कायदा, 1951ने प्रदान केलेल्या अधिकारानुसार निवडणूक आयोगाने अरुणाचल प्रदेश आणि सिक्कीमच्या विधानसभांचा कार्यकाळ पूर्ण होण्यापूर्वी निवडणूक घ्यायची आहे. अरुणाचल प्रदेश आणि सिक्कीम या दोन्ही विधानसभांचा कार्यकाळ 2 जून 2024ला संपत आहे. ही बाब विचारात घेता निवडणूक आयोगाने अरुणाचल प्रदेश आणि सिक्कीम या राज्यांच्या विधानसभा निवडणुकांच्या वेळापत्रकात बदल करण्याचा निर्णय घेतला आहे.
हा बदल पुढीलप्रमाणे-
| अनुक्रमांक. | निवडणूक कार्यक्रम | सध्याचे वेळापत्रक | सुधारित वेळापत्रक |
| 1 | मतमोजणीची तारीख | 4 जून, 2024(मंगळवार) | 2 जून 2024 (रविवार) |
| 2 | निवडणूक ज्यापूर्वी पूर्ण होणार आहे ती तारीख | 6 जून, 2024(गुरुवार) | 2 जून, 2024(रविवार) |
अरुणाचल प्रदेश आणि सिक्कीमच्या लोकसभा मतदारसंघांमध्ये होणाऱ्या निवडणुकीच्या मतदानाच्या वेळापत्रकात कोणताही बदल करण्यात आलेला नाही.
