हातकणंगले लोकसभा मतदारसंघाचे महायुतीचे उमेदवार धैर्यशील माने यांच्या प्रचारासाठी मुख्यमंत्री एकनाथ शिंदे यांनी सांगलीतील वाळवा येथील प्रकाश इन्स्टिट्यूट ऑफ मेडिकल अँड रिसर्च इन्स्टिट्यूटला काल रात्री उशिरा भेट दिली. यावेळी याठिकाणी आयोजित केलेल्या भारतीय जनता पक्षाच्या बूथप्रमुखांच्या मेळाव्याला मुख्यमंत्री शिंदे यांनी संबोधित केले.
मुख्यमंत्र्यांचे भाषण सुरू होताच एक चिमुकली हळूच हातात मोबाईल घेऊन त्यांचा फोटो काढण्यासाठी पुढे सरसावली. मुख्यमंत्र्यांनी तिला पाहिले. मात्र बराच उशीर झाला असल्याने त्यांनी आपले भाषण सुरू ठेवले. पण या काळात तिने मात्र आपल्या मोबाईलमध्ये मुख्यमंत्र्यांचे फोटो काढण्याची हौस मनसोक्तपणे पूर्ण करून घेतली.
