Homeचिट चॅटआमदार सचिनभाऊ चषक...

आमदार सचिनभाऊ चषक विनाशुल्क शालेय कॅरम स्पर्धा उद्या

मुंबईतल्या आयडियल स्पोर्ट्स अकॅडमीतर्फे राष्ट्रीय मिल मजदूर संघ सहकार्याने आमदार सचिनभाऊ अहिर चषक १६ वर्षांखालील शालेय मुलामुलींची विनाशुल्क कॅरम स्पर्धा उद्या, १८ मार्चला परेल येथील आरएमएमएस सभागृहामध्ये आयोजित करण्यात आली आहे. राष्ट्रीय मिल मजदूर संघाचे अध्यक्ष सचिनभाऊ अहिर यांच्या वाढदिवसाचे औचित्य साधून जनरल सेक्रेटरी गोविंदराव मोहिते यांनी शालेय क्रीडापटूंना प्रोत्साहन देण्याचे सातत्य यंदाही कायम राखले आहे. पहिल्या १६ विजेत्या-उपविजेत्यांना पुरस्कार दिले जाणार आहेत.

चँम्पियन कॅरम बोर्डवर ही स्पर्धा बाद पद्धतीने होईल. प्रत्येक फेरीसाठी चार बोर्डची मर्यादा राहील. सदर स्पर्धेमधील निवडक खेळाडूंना उन्हाळी सुट्टीदरम्यान होणाऱ्या मार्गदर्शनासह शालेय मुलामुलींच्या सुपर लीग कॅरम स्पर्धेत मोफत संधी दिली जाणार आहे. स्पर्धेत भाग घेऊ इच्छिणाऱ्या संबंधित शालेय खेळाडूंनी प्रवेशअर्जासाठी अथवा अधिक माहितीसाठी संयोजक लीलाधर चव्हाण अथवा चंद्रकांत करंगुटकर (९९८७८ ३१६२२) यांच्याकडे संपर्क साधावा. स्पर्धा यशस्वी करण्यासाठी संघाचे पदाधिकारी निवृत्ती देसाई, अण्णा शिर्सेकर, बजरंग चव्हाण, सुनील बोरकर आदी मंडळी विशेष कार्यरत आहेत.    

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content