किरकोळ गुंतवणूकदारांनी येत्या काही दिवसात शेअर बाजारात कोणत्याही नव्या खरेदी तसेच गुंतवणुकीपासूनही दूर राहावे; ग्लोबल सेंटिमेंट, मोमेंटम सध्या अतिशय कमजोर अन् मंदीचे आहेत.
- भारतीय बाजारात कोविडनंतर सुरू झालेल्या रॅलीला ब्रेक; सप्टेंबर 2024पासून गेले पाच महिने सातत्याने घसरण. निफ्टी 22,000पर्यंत घसरण्याची भीती.
- निफ्टी घसरण या लेव्हलवरच सीमित राहणार, याचीही बाजाराला शाश्वती नाही; अनेक तज्ज्ञांच्या मते, मंदीची रॅली 21,000पर्यंत जाऊ शकते.
- भारतीय शेअर बाजार सध्या टाईम अन् प्राईस करेक्शन मोडमध्ये असल्याने सर्वसामान्य गुंतवणूकदारांनी नेहमीच्या सरसकट सूत्राने सध्या “बाय ऑन डीपस्” म्हणजे घसरणीत खरेदीचा फॉर्म्युला वापरू नका. ट्रेडर्स अन् फायनान्स चॅनेल्सना त्यांचा खेळ करू द्या. सर्वसामान्यांनी मेहनतीच्या कमाईच्या गुंतवणुकीबाबत तूर्तास रिस्क घेणे टाळावे. सध्याचे खराब ग्लोबल सेंटिमेंट अन् भारतीय बजेटपश्चात बाजारातील करेक्शन, मंदीच्या लेव्हल एकदाच्या सेटल होऊ द्या.
- आता भारतीय बाजाराला बजेट ट्रिगरचा आधार आहे. मात्र, मोदी सरकार गेल्या 10 वर्षांतील मजबूत संख्याबळाच्या स्थितीत नसल्याने यंदाचे बजेट हे पॉप्युलरिस्ट, रेवड्यावाटू राहण्याची बाजाराला भीती आहे. तसे झाल्यास FII गुंतवणुकीवर परिमाण होण्याचीही भीती आहे.
- “मेक इन इंडिया” स्टोरीने प्रत्यक्षात अजूनही पुरेशी सक्षमता गाठली नसल्याने FIIवरील अवलंबित्व कायम आहे.
- डोनाल्ड ट्रम्प यांच्या शपथविधीनंतर पहिल्या आठवड्यातील तेजी नॅसडॅक, डाऊने गमावली.
ग्लोबल सेंटिमेंट का झाले खराब?
- चीनचे नवे AI मॉड्युल डीपसीक बनले. आयओएसवर सर्वाधिक डाऊनलोड झालेले ॲप, ॲपलवर फ्री डाऊनलोडमुळे चॅट-जीटीपीला जबरदस्त स्पर्धा निर्माण झाली आहे.
- अमेरिकेने कोलंबियावर 25 टक्के आयात कर लावला. ट्रम्प कोलंबियावरील टेरिफ 50%पर्यंत वाढवणार. कोलंबियातून अमेरिकेत सोने, ऑईल, कॉफी, फुलं यांची मुख्यतः आयात होते.
- ट्रम्प यांच्या आंतरराष्ट्रीय धोरणांबाबत अनिश्चिततेमुळे जगभरातील मार्केटस् सावध पवित्र्यात आहेत.
- भारतासह जगभरात परदेशी गुंतवणूकदार संस्थांच्या विक्रीची भीती कायम आहे.
