सुलोचना दीदींच्या कुटुंबियांच्या आग्रहास्तव भारतीय जनता पार्टीचे राष्ट्रीय सरचिटणिस विनोद तावडे आज दीदींच्या अस्थिविसर्जनासाठी खास दिल्लीहून मुंबईत येऊन उपस्थित राहिले.
सुलोचना दीदींच्या अस्थींचे दोन कलश केले गेले. एका कलशातील अस्थींचे विसर्जन दीदींची कर्मभूमी राहिलेल्या कोल्हापुरातील नदीत करण्यात आले. आज मुंबईत वरळी येथील समुद्रात दीदींच्या कन्या कांचनताईंच्या हस्ते अस्थी विसर्जित करण्यात आल्या. याप्रसंगी भाजपा नेते विनोद तावडे उपस्थित होते. सुलोचनादीदींच्या कुटुंबियांनी तावडेंचे दीदींशी असणारे घनिष्ट संबंध पाहता त्यांच्या उपस्थितच मुंबईतील अस्थिविसर्जन करण्याचे ठरवले. त्यानुसार विनोद तावडे दिल्लीवरून आज मुंबईत आले व अस्थिविसर्जनादरम्यान उपस्थित राहिले व आपली श्रद्धांजली वाहिली.
