मुंबईतल्या स्वातंत्र्यवीर सावरकर राष्ट्रीय स्मारकाच्या अध्यक्षपदी महाराष्ट्राचे निवृत्त पोलीस महासंचालक प्रवीण दीक्षित यांची एकमताने फेरनिवड झाली.
स्वा. सावरकर राष्ट्रीय स्मारकाच्या सदस्यांच्या रविवार, २५ डिसेंबर २०२२, या दिवशी झालेल्या वार्षिक सर्वसाधारण सभेमध्ये कार्यकारिणीतील नव्या सदस्यांची निवड करण्यात आली. त्यानंतर झालेल्या कार्यकारिणीच्या सभेमध्ये पदाधिकाऱ्यांची निवड करण्यात आली. त्यामध्ये विद्यमान सर्व पदाधिकाऱ्यांची एकमताने फेरनिवड करण्यात आली.
कार्यकारिणीच्या बैठकीमध्ये स्मारकाच्या अध्यक्षपदी महाराष्ट्राचे माजी पोलीस महासंचालक प्रवीण दीक्षित यांची तसेच कार्याध्यक्षपदी रणजित सावरकर, कोषाध्यक्षपदी मंजिरी मराठे, कार्यवाहपदी राजेंद्र वराडकर आणि सहकार्यवाहपदी स्वप्निल सावरकर यांची एकमताने फेरनिवड केली गेली. ही निवड तीन वर्षांसाठी आहे.
सर्वसाधारण वार्षिक सभेमध्ये कार्यकारिणी सदस्यांची एकमताने निवड केली गेली. नवनिर्वाचित कार्यकारिणी खालीलप्रमाणे आहे.
कार्यकारिणी सदस्य (आश्रयदाता विभाग)- के. सरस्वती, विज्ञानेश मासावकर, अभय जोशी, कमलाकर गुरव.
कार्यकारी सदस्य (सामान्य विभाग)- चंद्रशेखर साने (पुणे), दीपक कानुलकर, डॉ. अमित नाबर, चिरायू पंडित (वडोदरा), भाग्यश्री सावरकर (पुणे).
उपरोक्त कार्यकारिणी सदस्यांमध्ये (सामान्य विभाग) पहिल्यांदा निवडून आलेल्या दीपक कानुलकर, डॉ. अमित नाबर, चिरायू पंडित (वडोदरा) आणि भाग्यश्री सावरकर (पुणे) या नव्या पिढीतील सदस्यांचा समावेश आहे.
