राष्ट्रवादी काँग्रेसचे राष्ट्रीय अध्यक्ष शरद पवार यांच्या सहस्त्रचंद्र दर्शनाच्या निमित्ताने त्यांच्या कारकिर्दीचा गौरव म्हणून मुंबईतल्या यशवंतराव चव्हाण सेंटरच्या वतीने शरद पवार इन्स्पायर फेलोशिप सुरू करण्यात आली आहे.
कृषी, साहित्य, शिक्षण या क्षेत्रातील गुणवतांनी भविष्यातील नेतृत्त्वासाठी प्रेरित व्हावे, यासाठी हा उपक्रम राबविण्यात येत आहे. www.sharadpawarfellowship.com या संकेतस्थळावरील तपशीलानुसार कृषी, साहित्य व शिक्षण क्षेत्रातील फेलोशिपसाठी १२ ऑक्टोबर २०२२पर्यंत ऑनलाईन अर्ज व प्रस्ताव सादर करता येतील.
यानंतर ३ नोव्हेंबर २०२२पर्यंत निवड प्रक्रिया पूर्ण होऊन कृषी फेलोशिपसाठी ८०, साहित्य फेलोशिपसाठी १० तर शिक्षण फेलोशिपसाठी ३० अशा एकूण १३० जणांची निवड ही निवड समितीच्या वतीने करण्यात येईल आणि त्याची घोषणा ११ नोव्हेंबर २०२२ यादिवशी करण्यात येईल. त्यांना १२ डिसेंबर २०२२ रोजी शानदार सोहळ्यात फेलोशिप प्रदान करण्यात येईल.
तिन्ही फेलोशिपचे वार्षिक वेळापत्रक वेबसाईटवर प्रकाशित करण्यात आले आहे. कृषी क्षेत्रातील फेलोशिपसाठी एग्रीकल्चर डेव्हलपमेंट ट्रस्ट, बारामती यांचे तर शिक्षण फेलोशिपसाठी एमकेसीएल फाऊंडेशन व विवेक सावंत यांचे सहकार्य मिळत आहे. अधिकाधिक जणांनी या फेलोशिपसाठी अर्ज करावेत, असे आवाहन संस्थेतर्फे करण्यात आले आहे.
भाषा बदलत नाही.
फोटोत प्रतिष्ठानचे बोधचिन्ह व नामनिर्देश नाही.
सहस्त्रचंद्र म्हणजे नेमके काय?
Kiranhegdelive चे धेय्य व उद्देश स्पष्ट होत नाहीत!