Details
मुंबई म्हाडाच्या २७६ गाळ्यांसाठी अर्जनोंदणीस सुरूवात!
01-Jul-2019
”
केएचएल न्यूज ब्युरो
[email protected]
म्हाडा मुंबई मंडळाच्या वतीने विविध गृहनिर्माण प्रकल्पातील २१७ सदनिकांसाठी ऑनलाइन अर्जनोंदणी, अर्ज करणे, या प्रक्रियेचा शुभारंभ मुंबई म्हाडा मंडळाचे सभापती, मधु चव्हाण यांच्या हस्ते तर मंडळांतर्गत दुकानांच्या गाळ्यांचे ई लिलावसाठी अर्ज करण्याचा शुभारंभ कोकण मंडळाचे सभापती बाळासाहेब पाटील यांच्या हस्ते नुकताच झाला.
वांद्रे येथील गृहनिर्माण भवन येथे झालेल्या कार्यक्रमाला मुंबई इमारत दुरूस्ती व पुनर्रचना मंडळाचे सभापती विनोद घोसाळकर व संबंधित अधिकारी उपस्थित होते. म्हाडा मुंबई मंडळाची सदनिका सोडत २१ एप्रिल रोजी सकाळी १० वाजता वांद्रे (पूर्व) येथील म्हाडा मुख्यालयात होणार आहे. यासंदर्भातील माहिती पुस्तिका व अर्जाचा नमुना म्हाडाच्या संकेतस्थळावर उपलब्ध आहे. मुंबई व कोकण मंडळातर्गत दुकानांच्या गाळ्यांचा लिलाव ८ एप्रिलला सकाळी ११ वाजता म्हाडाच्या संकेतस्थळावर जाहीर करण्यात येईल.
मुंबई मंडळातील सोडतीकरिता अर्जदारांची नोंदणी व अर्ज करण्यासाठी ७ मार्चला दुपारी २ वाजल्यापासून १३ एप्रिल रात्री ११.५९ पर्यंत मुदत राहील. एनईएफटी/आरटीजीएसद्वारे अनामत रक्कम ७ मार्च ते १३ एप्रिलदरम्यान बँकेत भरता येईल. डेबिट कार्ड किंवा क्रेडिट कार्ड, इंटरनेट बँकिंगद्वारा अनामत रक्कम ७ मार्च ते १३ एप्रिल रात्री ११.५९ पर्यंत भरता येईल.
सदनिका सोडतीत अल्प उत्पन्न गटांसाठी सहकार नगर-चेंबूर येथील १७० सदनिका तर मध्यम उत्पन्न गटांसाठी सहकार नगर-चेंबूर, कोपरी-पवई येथील ४७ सदनिकांचा समावेश आहे. या सर्व सदनिकांना भोगवटा प्रमाणपत्र प्राप्त झाले असून नागरिकांनी याचा लाभ घ्यावा, असे आवाहन मधु चव्हाण यांनी केले आहे.
ई लिलावात म्हाडा मुंबई मंडळातर्फे प्रतीक्षा नगर, सायन, न्यू हिंद मिल – माझगाव, विनोबा भावे नगरसह स्वदेशी मिल-कुर्ला, तुर्भे-मंडाले-मानखुर्द, तुंगा पवई, गव्हाणपाडा-मुलुंड, मजासवाडी-जोगेश्वरी, शास्त्रीनगरसह सिद्धार्थ नगर-गोरेगाव, चारकोप, मालवणी-मालाड येथील २०१ गाळ्यांचा समावेश आहे. कोकण मंडळांतर्गत विरार बोळींज, वेंगुर्ला येथील सदनिकांचा समावेश असल्याचे मधु चव्हाण व बाळासाहेब पाटील यांनी सांगितले.
दुकानांच्या गाळ्यांच्या ई लिलावासाठी ३० मार्च रोजी सायंकाळी ५ वाजेपर्यंत ई लिलाव संकेतस्थळावर नोंदणी अर्ज करणे, कागदपत्रे अपलोड करणे व अनामत रक्कम भरता येईल. २ एप्रिल रोजी सकाळी ११ वाजेपासून ई लिलाव (ऑनलाइन बोली) सुरू होणार असून ५ एप्रिलला दुपारी २ वाजेपर्यंत ई लिलावासाठी मुदत देण्यात आली आहे, असेही त्यांनी स्पष्ट केले.”
“केएचएल न्यूज ब्युरो
[email protected]
म्हाडा मुंबई मंडळाच्या वतीने विविध गृहनिर्माण प्रकल्पातील २१७ सदनिकांसाठी ऑनलाइन अर्जनोंदणी, अर्ज करणे, या प्रक्रियेचा शुभारंभ मुंबई म्हाडा मंडळाचे सभापती, मधु चव्हाण यांच्या हस्ते तर मंडळांतर्गत दुकानांच्या गाळ्यांचे ई लिलावसाठी अर्ज करण्याचा शुभारंभ कोकण मंडळाचे सभापती बाळासाहेब पाटील यांच्या हस्ते नुकताच झाला.
वांद्रे येथील गृहनिर्माण भवन येथे झालेल्या कार्यक्रमाला मुंबई इमारत दुरूस्ती व पुनर्रचना मंडळाचे सभापती विनोद घोसाळकर व संबंधित अधिकारी उपस्थित होते. म्हाडा मुंबई मंडळाची सदनिका सोडत २१ एप्रिल रोजी सकाळी १० वाजता वांद्रे (पूर्व) येथील म्हाडा मुख्यालयात होणार आहे. यासंदर्भातील माहिती पुस्तिका व अर्जाचा नमुना म्हाडाच्या संकेतस्थळावर उपलब्ध आहे. मुंबई व कोकण मंडळातर्गत दुकानांच्या गाळ्यांचा लिलाव ८ एप्रिलला सकाळी ११ वाजता म्हाडाच्या संकेतस्थळावर जाहीर करण्यात येईल.
मुंबई मंडळातील सोडतीकरिता अर्जदारांची नोंदणी व अर्ज करण्यासाठी ७ मार्चला दुपारी २ वाजल्यापासून १३ एप्रिल रात्री ११.५९ पर्यंत मुदत राहील. एनईएफटी/आरटीजीएसद्वारे अनामत रक्कम ७ मार्च ते १३ एप्रिलदरम्यान बँकेत भरता येईल. डेबिट कार्ड किंवा क्रेडिट कार्ड, इंटरनेट बँकिंगद्वारा अनामत रक्कम ७ मार्च ते १३ एप्रिल रात्री ११.५९ पर्यंत भरता येईल.
सदनिका सोडतीत अल्प उत्पन्न गटांसाठी सहकार नगर-चेंबूर येथील १७० सदनिका तर मध्यम उत्पन्न गटांसाठी सहकार नगर-चेंबूर, कोपरी-पवई येथील ४७ सदनिकांचा समावेश आहे. या सर्व सदनिकांना भोगवटा प्रमाणपत्र प्राप्त झाले असून नागरिकांनी याचा लाभ घ्यावा, असे आवाहन मधु चव्हाण यांनी केले आहे.
ई लिलावात म्हाडा मुंबई मंडळातर्फे प्रतीक्षा नगर, सायन, न्यू हिंद मिल – माझगाव, विनोबा भावे नगरसह स्वदेशी मिल-कुर्ला, तुर्भे-मंडाले-मानखुर्द, तुंगा पवई, गव्हाणपाडा-मुलुंड, मजासवाडी-जोगेश्वरी, शास्त्रीनगरसह सिद्धार्थ नगर-गोरेगाव, चारकोप, मालवणी-मालाड येथील २०१ गाळ्यांचा समावेश आहे. कोकण मंडळांतर्गत विरार बोळींज, वेंगुर्ला येथील सदनिकांचा समावेश असल्याचे मधु चव्हाण व बाळासाहेब पाटील यांनी सांगितले.
दुकानांच्या गाळ्यांच्या ई लिलावासाठी ३० मार्च रोजी सायंकाळी ५ वाजेपर्यंत ई लिलाव संकेतस्थळावर नोंदणी अर्ज करणे, कागदपत्रे अपलोड करणे व अनामत रक्कम भरता येईल. २ एप्रिल रोजी सकाळी ११ वाजेपासून ई लिलाव (ऑनलाइन बोली) सुरू होणार असून ५ एप्रिलला दुपारी २ वाजेपर्यंत ई लिलावासाठी मुदत देण्यात आली आहे, असेही त्यांनी स्पष्ट केले.”
