Details
hegdekiran17@gmail.com
“संपूर्ण विश्व व्यापून असलेला कोरोना हा प्राणघातक आजार तापासह येतो हे उघड झाले आहे. प्राथमिक पातळीवर त्या रूग्णाच्या जवळ जाऊन ताप तपासावा लागतो. अन्यथा इन्फ्रा रेड प्रणालीवर चालणारी महागडी बंदूक वापरावी लागते. या पार्श्वभूमीवर हजारो लोकांची ये-जा असणाऱ्या गोदीसारख्या भागात हे मोठं आव्हानात्मक काम असेल. हे लक्षात घेऊन मुंबई नौदल गोदीच्या संशोधन विभागाने हातात सहज वापरता येईल, अशी इन्फ्रा रेड तंत्र वापरून तपासणी करता येईल अशी नि अन्य बंदुकांपेक्षा स्वस्त बंदूक विकसित करण्यात यश मिळवले आहे.”
“सध्या देशभरात लॉकडाऊन असला तरी देशाच्या संरक्षण व्यवस्थेतील गोदीत काही कामं चालूच आहेत. जहाज बांधणीची काही कामं, प्रयोगशाळा, येथील कामांना वर्क फ्रॉम होम लागू नाही. त्यामुळे हा वर्ग गोदीत येत असतो. अशांच्या तापमान तपासणीसाठी लागणारा वेळ या या बंदुकीने वाचणार आहे नि दारावरील रक्षकांचा ताण कमी होणार आहे. या बंदुकीची किंमत बाजारभावापेक्षा कितीतरी कमी असल्याचे नौदल प्रवक्ते कमांडर मेहुल कर्णिक यांनी स्पष्ट केले.”
“कोविड 19 च्या काळात संसर्गित रूग्णसंख्या पाहता जगभरात भीतीचे वातावरण आहे. त्यामुळे वैद्यकीय व्यवस्थेवर ताण येऊन चाचण्या आवश्यक झाल्यात. देशात २८५ वर्षं इतक्या जुन्या असलेल्या या गोदीत दररोज वीस हजारांहून अधिक लोकांची ये-जा असते. कोरोनाच्या प्रादुर्भावामुळे काही चाचण्या करूनच संबंधितांना आत प्रवेश दिला जातो. पश्चिम नौदल ताफ्यातील जहाजावरील अधिकारी, सैनिक यांच्यासह आवश्यक वर्ग आत येत असतो. त्यांचं नेमकं तापमान शरीराशी संपर्क न येता या छोटेखानी बंदुकीमुळे तपासता येईल.”
“या आजाराचा प्रसार वाढताच बाजारात असलेल्या अशा बंदुकीची किंमत खूपच वाढली आहे. मागणी आणि पुरवठा यातील तफावतही वाढली असल्याने नॉन कॉन्टॅक्ट थर्मोमीटर किंवा टेम्परेचर गनच्या उपलब्धतेवर परिणाम झाला आहे. यावर मात करण्यासाठी नेव्हल डॉकयार्डने गरज लक्षात घेऊन स्वतः याची विकसित आवृत्ती तयार केली. याची अचूकता 0.02 डिग्री सेल्सिअस इतकी आहे, असे कर्णिक यांनी सांगितले.”
