Details
केएचएल न्यूज ब्युरो
यंदा दिवाळीत कपड्यांच्या किरकोळ खरेदीकडे ग्राहकांचा वाढलेला कल दिसून आला. त्यामुळे वस्त्रोद्योग व्यवसायात यंदा व्यावसायिकांना उद्योग भरभराटीला चालना मिळाली असल्याचे चित्र दिसून येत आहे.
याच पार्श्वभूमीवर अनेक नवनवीन कंपन्यांनी आपल्या व्यवसायाचा विस्तार करावयास सुरूवात केली असून टाटाच्या अधिपत्याखालील ट्रेंट लिमिटेड या भारताच्या सर्वात मोठ्या व जलदगतीने विकसित होत असलेल्यात झुदियो या कपड्यांच्या किरकोळ विक्रीचे भारतातील ७५ वे दालन भिवंडी येथे सुरू झाले आहे. यापूर्वी भारतातील ७०वे दालन नालासोपारा येथे सुरू करण्यात आले होते. वस्त्रोद्योग व्यवसायाच्या या भरभराटीमुळे व्यावसायिकांना नवीन चालना मिळाली असल्याचे दिसून येत आहे.
“ऑनलाईन शॉपिंग वर सरकारने विविध नियम व अटी घातल्यामुळे आता ग्राहकांचा खरेदीसाठी किरकोळ विक्री दालनांकडे कल वाढताना दिसून येत आहे. ठाणे जिल्ह्यातील इतर भागातही वाढती लोकसंख्या लक्षात घेता याठिकाणी मॉलचे जाळे दिवसेंदिवस पसरत आहे. चांगले कापड घेण्याची ग्राहकांची आवड लक्षात घेता त्यादृष्टीने कापड निर्मिती कंपन्याही त्या दिशेने पाऊल टाकत आहेत. टाटा कंपनीने झुदिओ अंतर्गत आकर्षक फॅशनेबल पोशाख, पुरूषांचे पोशाख, महिलांचे पोशाख, पारंपरिक पोशाख, लहान मुलांचे पोशाख, फूटवेअर व अॅक्से,सरीजचे फॅशन कलेक्श,न्सा याठिकाणी ग्राहकांसाठी उपलब्ध करून दिले आहेत. त्यामुळे तालुक्याच्या ठिकाणी वास्तव्यास असलेल्या ग्राहकांचाही किरकोळ खरेदीकडे कल वाढत असल्याचे यंदा दिवाळीत दिसून आले.”
