Details
आमच्या सोसायटीसमोरील टोलेजंग इमारत..
01-Jul-2019
”
भगवान निळे, ज्येष्ठ पत्रकार
[email protected]
गप्पा मारता मारता
भुर्रकन उडून जावा वेळ
तशी आमच्या सोसायटीसमोर उभी राहिली
माझ्या डोळ्यासमोर टोलेजंग इमारत.
कुठे गेली असेल त्या इमारतीसाठी
डोक्यावरून विटा वाहणारी ती बाई
जिला पेटवायची होती चूल म्हणून
ती उन्हाला घ्यायची डोक्यावर?
उपाशी राहिली तरी
ढळू द्यायची नाही पदर
मुकादमासमोर उभी राहताना
किंचित झुकवायची मान
डावलायची पुरुषी डोळे
नुसत्या नजरेनं कोणत्याही बाईचं वजन उचलणारे
तिला नव्हता मागचा पुढचा कोणताच इतिहास
बनणारही नव्हता कधीच तिचा इतिहास.
ज्या हातांनी उभी केली ही टोलेजंग इमारत
त्या इमारतीच्या सावलीत
घटकाभर उभं राहून ती रंगवू शकत नाही स्वप्नं
तिचा मुलगाही नाही “दिवार”मधला विजय
जो आईसाठी खरेदी करू शकतो
मुँहबोल्या किंमतीत आख्खी इमारत
किंवा
“मदर इंडिया”मधील बंडखोर बिरजू.
त्या इमारतीकडं पाहताना
प्रत्येकवेळी मला दिसतो
इमारतीसमोरून सरकत जाणारा निर्वासितांचा तांडा.”
“भगवान निळे, ज्येष्ठ पत्रकार
[email protected]
गप्पा मारता मारता
भुर्रकन उडून जावा वेळ
तशी आमच्या सोसायटीसमोर उभी राहिली
माझ्या डोळ्यासमोर टोलेजंग इमारत.
कुठे गेली असेल त्या इमारतीसाठी
डोक्यावरून विटा वाहणारी ती बाई
जिला पेटवायची होती चूल म्हणून
ती उन्हाला घ्यायची डोक्यावर?
उपाशी राहिली तरी
ढळू द्यायची नाही पदर
मुकादमासमोर उभी राहताना
किंचित झुकवायची मान
डावलायची पुरुषी डोळे
नुसत्या नजरेनं कोणत्याही बाईचं वजन उचलणारे
तिला नव्हता मागचा पुढचा कोणताच इतिहास
बनणारही नव्हता कधीच तिचा इतिहास.
ज्या हातांनी उभी केली ही टोलेजंग इमारत
त्या इमारतीच्या सावलीत
घटकाभर उभं राहून ती रंगवू शकत नाही स्वप्नं
तिचा मुलगाही नाही “दिवार”मधला विजय
जो आईसाठी खरेदी करू शकतो
मुँहबोल्या किंमतीत आख्खी इमारत
किंवा
“मदर इंडिया”मधील बंडखोर बिरजू.
त्या इमारतीकडं पाहताना
प्रत्येकवेळी मला दिसतो
इमारतीसमोरून सरकत जाणारा निर्वासितांचा तांडा.”
