Tag: लोकल

गेल्या काही महिन्यांपासून रेल्वेमंत्री अश्विनी वैष्णव यांच्या मुंबई भेटी वाढल्या आहेत. बरोबरच आहे, येत्या काही महिन्यांत (सहा महिन्यांत) मुंबई महापालिकेसह राज्यातील अनेक महापालिकांच्या निवडणुका होऊ घातल्या आहेत. रेल्वेमंत्र्यांच्या भेटीबाबत आक्षेप घेण्याचे कारणच नाही, कारण त्यामुळे का होईना निदान काही रेल्वेस्थानके तरी चकाचक होतात. वास्तविक गेल्याच भेटीत मंत्र्यांनी मुंबईतील लोकल गाड्यांची संख्या वाढवणार आहोत असे सांगितले होते. काल पुन्हा त्यांनी लोकल फेऱ्यांत भर पडेल, तसेच लवकरच 'जलद प्रवासाचे कवच' प्राप्त होईल अशा घोषणा केल्या आहेत. घोषणा करायला काय जाते हो... बाबा खातो बारा वडे... पण तळणारा कुठे आहे? तशातली गत...