केंद्र सरकारने शशी शेखर वेम्पती यांची केंद्रीय चित्रपट प्रमाणन मंडळ अर्थात सेन्सॉर बोर्ड (सीबीएफसी) च्या अध्यक्षपदी नियुक्ती केली आहे. माहिती आणि प्रसारण मंत्रालयाने ६ मे २०२६ रोजीच्या अधिसूचनेत ही घोषणा केली. शशी शेखर वेम्पति हे पदभार स्वीकारल्याच्या तारखेपासून तीन वर्षांच्या कालावधीसाठी या पदावर असतील.
प्रसून जोशी यांची, प्रसार भारतीच्या अध्यक्षपदी नियुक्ती झाल्यामुळे, जोशी यांनी सीबीएफसीच्या अध्यक्षपदाचा राजीनामा दिला होता. त्यामुळे ते पद रिक्त झाले होते. वेम्पती यांची या रिक्त जागी नेमणूक करण्यात आली. शशी शेखर वेम्पती यांना प्रसारमाध्यमे, प्रसारणसेवा आणि सार्वजनिक संवाद या क्षेत्रांचा प्रदीर्घ अनुभव आहे. त्यांच्या नियुक्तीमुळे, सीबीएफसीचा कारभार अधिक मजबूत होईल, अशी अपेक्षा व्यक्त होत आहे.
