मुंबईतल्या यशवंतराव चव्हाण प्रतिष्ठान, मुंबई व महाराष्ट्र महिला व्यासपीठ यांच्या वतीने महिला गौरव पुरस्काराचे नुकतेच आयोजन करण्यात आले. पुरस्काराचे यंदाचे दुसरे वर्ष होते. हा पुरस्कार ज्येष्ठ अनुवादक सविता दामले यांना शानदार सोहळ्यात प्रदान करण्यात आला. यावेळी ज्येष्ठ साहित्यिका संजीवनी खेर, चित्रपट निर्मात्या कांचन अधिकारी, महाराष्ट्र महिला व्यासपीठाच्या रेखा नार्वेकर आदी मान्यवर उपस्थित होते.
कार्यक्रमाची सुरूवात शारदास्तवन आणि दीप प्रज्वलनाने झाली. यानंतर संयोजिका रेखा नार्वेकर यांनी प्रास्ताविक केले. गौरव पुरस्काराच्या सन्मानपत्राचे वाचन जयश्री आपटे यांनी केले. कार्यक्रमाच्या प्रमुख अतिथी कांचन अधिकारी यांनी आपले विचार व्यक्त केले तसेच सामाजिक विषयावर कविता भडके यांनी आहारशास्त्र आणि जनजागृती तर पूजा कारेकर यांनी हरविलेले बालपण आणि वैशाली चेके-पाटील यांनी सामाजिक कार्य व समस्या विषयावर आपले विचार व्यक्त केले. ज्येष्ठ साहित्यिका संजीवनी खेर यांच्या अध्यक्षीय भाषणानंतर राष्ट्रगीताने कार्यक्रमाची सांगता झाली.
