मुंबईच्या दादर माटुंगा सांस्कृतिक केंद्राचा २०२४ या वर्षीचा गानसरस्वती किशोरी आमोणकर पुरस्कार आग्रा घराण्याचे प्रतिथयश हिंदुस्थानी शास्त्रीय गायक कोलकात्याचे उस्ताद वसीम अहमद खान यांना जाहीर करण्यात आला आहे.
१ लाख रुपये आणि मानपत्र असे या पुरस्काराचे स्वरूप आहे. उस्ताद वसीम अहमद खान हे उस्ताद आटा हुसेन खान, नसीम हुसेन खान आणि शफी अहमद खान यांचे शिष्य आहेत. पुरस्कार वितरण समारंभ ९ मार्च रोजी संध्याकाळी पाच वाजता दादर माटुंगा सांस्कृतिक केंद्रात होईल.
गानसरस्वती पद्मविभूषण किशोरी आमोणकर यांचे शिष्य डॉ. अरुण द्रविड यांनी हा पुरस्कार २०१७ साली आपल्या गुरूंच्या स्मरणार्थ प्रस्थापित केला. ५० वर्षे वयाखालील प्रथितयश हिंदुस्थानी गायक किंवा गायिकेला तो दिला जातो. अधिक माहितीसाठी www.gspuraskar.in या संकेतस्थळाला भेट द्यावी.
