मुंबईतले बोरिवली हे नवरात्रोत्सवासाठी खूप प्रसिद्ध आहे. बोरिवली येथील कोरा केंद्र मैदानावर दुर्गादेवी नवरात्र उत्सव समितीतर्फे आयोजित करण्यात येणाऱ्या “भक्तिरास नवरात्र महोत्सव 2024″साठी भूमिपूजन, वास्तुपूजन आणि कलश पूजन नुकतेच आयोजित करण्यात आले होते. बोरिवलीचे आमदार सुनील राणे यांनी दरवर्षीप्रमाणे आयोजित केलेल्या “भक्तिरास नवरात्र महोत्सव 2024″च्या भूमिपूजनप्रसंगी उत्तर मुंबईचे माजी खासदार गोपाळ शेट्टी उपस्थित होते.
बोरिवलीचे आमदार सुनील राणे यांनी सादर केलेल्या आणि दुर्गादेवी नवरात्र उत्सव समितीच्या वतीने आयोजित करण्यात आलेल्या या भव्य कार्यक्रमात अधिकाधिक बोरिवली स्थानिकांना तसेच मुंबईकरांना आकर्षित करण्यासाठी मोठ्या प्रमाणावर तयारी करण्यात येत आहे. यावेळी सुनील राणे यांनी माध्यमांशी बोलताना सांगितले की, भक्तिरास नवरात्र महोत्सवात नवरात्रोत्सवाचा उत्साह आणि संगीत असणार आहे. बोरिवली हे गुजराती सामाजिक संस्कृती आणि परंपरेचे केंद्र आहे. यावर्षी बॉलीवूड गाण्यासह पारंपरिक संगीतावर नवरात्रोत्सवाची रंगत द्विगुणित करण्याची तयारी जवळपास पूर्ण झाली आहे.